ကင်ဂျုံအန်းအကြောင်း ရိုက်ကူးထားသော “The Interview” မပြသဖြစ်တော့

FacebookGoogle+LinkedInTwitterPinterestShare

မြောက်ကိုရီးယားခေါင်းဆောင် ကင်ဂျုံအန်းကို သရော်ရိုက်ကူးထားသော “The Interview” ဇတ်ကားအား ရုပ်ရှင်ကုမ္ပဏီကြီးများက မပြသဖို့ ဆုံးဖြတ်လိုက်တာကြောင့် ဆိုနီရုပ်ရှင်ကုမ္ပဏီကလည်း ယင်းရုပ်ရှင်ကား ထုတ်ပြမည့်အစီအစဉ်ကို ဒီဇင်ဘာ(၁၇)ရက်နေ့တွင် ပြန်လည် ရုပ်သိမ်းလိုက်သည်ဟု သိရသည်။

The Interview

အမေရိကန်ရုပ်ရှင်ရုံ ကုမ္ပဏီများ အဖွဲ့ချုပ်ကမူ အဆိုပါရုပ်ရှင် မပြသဖြစ်ဖို့ တနိုင်ငံလုံးမှ အာဏာပိုင် အဖွဲ့အစည်းများနှင့် ပူးပေါင်းဆောင်ရွက်သွားမည်ဟု ပြောဆိုခဲ့ကြောင်း သိရသည်။

ဆိုနီရုပ်ရှင်ကုမ္ပဏီက အမေရိကန်ဒေါ်လာ (၄၂)သန်း အကုန်အကျခံ ရိုက်ကူးထားခဲ့သော အဆိုပါရုပ်ရှင်ဇတ်ကားအား မပြသသရန် ခြိမ်းခြောက်မှုများ ရှိခဲ့ပြီး ဆိုနီရုပ်ရှင်ကုမ္ပဏီရဲ့ ကွန်ပျူတာစနစ် မကြာမီက ထိုးဖောက်ခံခဲ့ရကာ ကုမ္ပဏီ၏ လျှို့ဝှက်ချက်များ ပေါက်ကြားခဲ့သည်ဟု သိရသည်။

၂၀၁၁ခုနှစ်က ဖြစ်ပွားခဲ့သော 9/11 ကို ပြန်သတိရ၍ အဆိုပါရုပ်ရှင်ဇတ်ကား ပြသမှုကို သွားရောက်မကြည့်ရှုကြဖို့ ရုပ်ရှင်ကြည့်ပရိသတ်များကို ကွန်ပျူတာထိုးဖောက်ခဲ့သည့် Hacker များက သတိပေးထားခဲ့ကြောင်း သိရသည်။

ယင်းရုပ်ရှင်နှင့်ပတ်သက်၍ အမေရိကန်လုံခြုံရေးကို ခြိမ်းခြောက်ခံရမှုများရှိသော်လည်း တကယ်ခြိမ်းခြောက်လောက်သည့် ထောက်လှမ်းရေးအချက်အလက်များ ယခုအချိန်အထိ မရရှိထားကြောင်း အမေရိကန် ပြည်တွင်းလုံခြုံရေးဌာန DHS  က ဆိုခဲ့သည်။

ကွန်ပျူတာထိုးဖောက်ခဲ့သည့် Hacker များဟာ ဘယ်သူတွေ ဖြစ်သည်ဆိုတာကို FBI မှ ပြန်လိုက်နေ၍ မြောက်ကိုရီးယားနိုင်ငံကို သံသယရှိသည်ဟု ကြေငြာထားသော်လည်း မြောက်ကိုရီးယားနိုင်ငံကတော့ ၎င်းတို့၏ တိုက်ရိုက် လက်ချက်မဟုတ်ဘူးဟု ငြင်းဆိုထားကြောင်း သိရသည်။

Source : DVB

ပုံရိပ်(burmesehearts.com)

ဂျပန်နိုင်ငံတွင် ရာသီဥတု ဆိုးရွားမှုဒဏ်ကြောင့် သုံးဦးသေဆုံး

ဂျပန်နိုင်ငံတလွှား အပူချိန်လျော့ကျပြီး အချို့နေရာများတွင် နှင်းအကြီးအကျယ်ကျဆင်း၍ လှိုင်းကြီးမှုကြောင့် ရေလွှမ်းမိုးခဲ့ကြောင်း နှင့် ထိုကဲ့သို့ ဆိုးရွားသော ရာသီဥတုကြောင့် လူ(၃)ဦး သေဆုံးသွားခဲ့ပြီးဖြစ်ကြောင်း သိရသည်။

နိအိငတခရိုင်မှ လူတစ်ဦး နှင့် အခိတခရိုင်မှ လူတစ်ဦးဟာ နှင်းကျုံးရင်း သေဆုံးခဲ့ခြင်းဖြစ်သည်ဟု ကျိုဒို သတင်းဌာနမှ ဆိုခဲ့သည်။

နောက်တစ်ဦးမှာမူ နှင်းကြောင့် ကားတွေဆင့်ကဲ တိုက်မိခဲ့ရာမှ သေဆုံးသွားခဲ့ခြင်းဖြစ်ကြောင်း သိရသည်။

မိုးလေဝသကြောင့် မြန်နှုန်းမြင့် ကျည်ဆန်ရထားခရီးစဉ်တွေအပါအဝင် ရာနှင့်ချည်သော ရထားခရီးစဉ်များ အနှောင့်အယှက်ဖြစ်ခဲ့ရကြောင်း သိရသည်။

ဂျပန်မြောက်ပိုင်းနှင့် အနောက်ပိုင်းဒေသများတွင် မုန်တိုင်းတိုက်ခိုက်ခဲ့သဖြင့် နိုင်ငံတလွှား လေကြောင်းခရီးစဉ် အမြောက်အမြား ဖျက်သိမ်းခဲ့ရကြောင်းလည်း သိရသည်။

နိအိငတခရိုင်တွင် တစ်ရက်အတွင်း ဆီးနှင်း ၃.၂ပေအထိ ကျဆင်းခဲ့ကာ အချို့မြို့များတွင် လူတရပ်ခန့်အထိ ကျဆင်းခဲ့သည်ဟု သိရသည်။

ဂျပန်နိုင်ငံ၏ စက်မှုမြို့တစ်မြို့ဖြစ်သော နာဂိုယာတွင် ညတွင်းချင်း ဆီးနှင်း ၇.၈လက်မအထိ ကျဆင်းခဲ့သည်ဟု သိရသည်။ ယခင်က နာဂိုယာ၌ ဒီဇင်ဘာလအတွင်းတွင် ဆီးနှင်းကျဆင်းမှု ရှားပါးခဲ့ကြောင်း သိရသည်။

ဂျပန်နိုင်ငံမြောက်ပိုင်းက နဲမုရိုမြို့တွင်မူ မုန်တိုင်း၏ လေဖိအားနည်းရပ်ဝန်းစနစ်ကြောင့် လှိုင်းကြီး၍ မြို့၏ကမ်းရိုးတန်းဒေသများတွင် ရေလွှမ်းမိုးလျက်ရှိကြောင်း သိရသည်။

မြို့တော် တိုကျိုတွင်မူ အဆိုပါ ရာသီဥတုဆိုးရွားမှုက မသက်ရောက်ကြောင်း သိရသည်။

Source : DVB

ပုံရိပ်(burmesehearts.com)

ဗုဒ္ဓပုံတော်ကိုနားကြပ်တပ်ပြီးကြော်ငြာတဲ့ ဗုဒ္ဓဘားမှတာဝန်ရှိသူများကို အမှု(၃)မှုစွဲ

သာသနာတော် ညှိုးနွမ်းစေမှုနဲ့ အရေးယူထားသော V Grastro.bar မှ ပိုင်ရှင်အပါအဝင်သုံးဦးကို ဒီဇင်ဘာ(၁၈)ရက်နေ့ မနက်(၁၀)နာရီက ဗဟန်းတရားရုံးတွင် ရုံးထုတ်စစ်ဆေးပြီး အမှုသုံးမှုနဲ့ စွဲချက်တင်လိုက်ပြီဖြစ်ကြောင်း သိရသည်။

VGastro.bar

ဗုဒ္ဓပုံတော်ကိုနားကြပ်တပ်ပြီး လူမှုကွန်ယက်မီဒီယာများမှတဆင့် ကြော်ငြာခဲ့သောကြောင့် အဖမ်းခံရသူသုံးဦးထဲမှ Mr. Phil Blackwood ၊ ဆိုင်ပိုင်ရှင် ထွန်းသူရိန် နှင့် မန်နေဂျာ ထွဋ်ကိုကိုလွင်တို့ကို ယနေ့တွင် ဒုတိယအကြိမ် ရုံးထုတ်ခဲ့ခြင်းဖြစ်သည်။

၎င်းတို့အား စွဲဆိုထားသော ပုဒ်မသုံးခုမှာ ပုဒ်မ ၂၉၅ ၊ ၂၉၅(က) နှင့် ၁၈၈ တို့ဖြင့် စွဲဆိုထားခြင်းဖြစ်သည်ဟု သိရသည်။

ယနေ့တွင် တရားလိုပြသက်သေသုံးဦးကို စစ်ဆေးခဲ့သည်ဟု သိရပြီး အစွပ်စွဲခံရသူ သုံးဦးကတော့ ၎င်းတို့ မကျူးလွန်ခဲ့ကြောင်း ငြင်းဆိုထားသည်ဟု သိရသည်။

ယင်းအမှုအား ဆက်လက်ကြားနာရန် ဒီဇင်ဘာ(၂၆)ရက်နေ့သို့ ရက်ချိန်းပေးထားကြောင်း သိရသည်။

Mr. Phil Blackwood ကို အင်းစိန်ထောင်တွင် ထိန်းသိမ်းထား၍ ဆိုင်ပိုင်ရှင် ထွန်းသူရိန် နှင့် မန်နေဂျာ ထွဋ်ကိုကိုလွင်တို့ကို သီးသန့်ထိန်းသိမ်းထားကာ တစ်ဦးတစ်ယောက်နှင့်မှ တွေ့ခွင့်မပေးကြောင်း မိသားစုနှင့် နီးစပ်သူထံမှ သိရသည်။

Source : DVB

ပုံရိပ်(burmesehearts.com)

ဒုတိယ ကမ္ဘာစစ် ပြီးဆုံးမှု အထိမ်းအမှတ် အခမ်းအနားသို့ မြောက်ကိုရီးယား ခေါင်းဆောင်ကို ရုရှ ဖိတ်ကြား

မေလ၌ ရုရှတွင် ကျင်းပမည့် ဒုတိယ ကမ္ဘာစစ်ပြီးဆုံးခြင်း အထိမ်းအမှတ် အခမ်းအနား တစ်ခုသို့ တက်ရောက်ရန် မြောက်ကိုရီးယား   ခေါင်းဆောင် ကင်ဂျုံအွန်းကို ရုရှအစိုးရက ဖိတ်ကြားထားသည်။

မြောက်ကိုရီးယားသည် ယင်း၏ လူ့အခွင့်အရေး ချိုးဖောက်မှု မှတ်တမ်းများ၊ နျူးကလီးယား စမ်းသပ်မှုများနှင့် ပတ်သက်၍ နိုင်ငံတကာ အသိုင်းအ၀ိုင်း၏ စွပ် စွဲပြစ်တင်မှု များနှင့် ရင်ဆိုင်နေရချိန်တွင် ရုရှနိုင်ငံနှင့် ပိုမိုနီးနီးကပ်ကပ် ဆက်ဆံသွားရန် ကြိုးပမ်းလျက်ရှိသည်။

ယူကရိန်း အရေးတွင် မြောက်ကိုရီးယားတို့က ရုရှနိုင်ငံကို ထောက်ခံ ခဲ့ပြီး ရုရှနိုင်ငံ သည်လည်း တောင်ကိုရီးယားသို့ သဘာဝ ဓါတ်ငွေ့  တိုးမြင့် တင်ပို့မှု တွင်မြောက် ကိုရီးယားတို့၏ ပူးပေါင်းဆောင်ရွက်မှု လိုအပ်နေသည်။

၂၀၁၁ ခုနှစ်က စတင်အာဏာရလာခဲ့ပြီးနောက်ပိုင်း ယခုခရီးစဉ်သည် ကင်ဂျုံအွန်းအတွက် ပထမဆုံး ပြည်ပခရီးစဉ်လည်း ဖြစ်လာမည်ဖြစ်သည်ဟု ဂျပန် အဆာဟိ ရှင်ဘွန်း သတင်းစာက ဒီဇင်ဘာ ၁၇ ရက်တွင် ဖော်ပြခဲ့သည်။

အဆိုပါ ခရီးစဉ်တွင် ကင်ဂျုံအွန်းသည် ရုရှ သမ္မတ ဗလာဒီမာ ပူတင်နှင့် တွေ့ဆုံဖွယ်ရှိသည်။  သို့သော် ယခု ဖိတ်ကြားမှုကို ကင်ဂျုံအွန်က လက်ခံမခံ မရှင်းလင်းသေးဟု အဆိုပါ သတင်းစာ ကဖော်ပြသည်။

ပြီးခဲ့သည့် လက ရုရှသမ္မတ ပူတင်သည် မြောက်ကိုရီးယား ခေါင်းဆောင်၏ အထူးကိုယ်စားလှယ်နှင့် တွေ့ဆုံခဲ့ပြီး ဒေသတွင်း လုံခြုံရေး ပိုင်းအတွက် နှစ်နိုင်ငံ ပိုမို ပူးပေါင်းသွားရန် ပြောကြားခဲ့သည်။

Source : Mizzima

ပုံရိပ်(burmesehearts.com)

၂၀၁၅ တွင် တင်သွင်းခွင့်ပြုမည့် ကားမော်ဒယ်နှစ်များ ပြောင်းလဲသတ်မှတ်

၂၀၁၅ ခုနှစ် ဇန်နဝါရီလမှ စတင်၍ မော်တော်ယာဉ် တင်သွင်းခွင့်ပြုမည့် ကားမော်ဒယ်နှစ်များ ပြောင်းလဲ သတ်မှတ်လိုက်သည်ဟု မော်တော်ယာဉ် တင်သွင်းခွင့်ဆိုင်ရာ ကြီးကြပ်ရေးကော်မတီက ဒီဇင်ဘာ ၁၅ ရက်စွဲဖြင့် ထုတ်ပြန်ကြေငြာခဲ့သည်။

ယာဉ်အို ယာဉ်ဟောင်းများ အစားထိုး လျှောက်ထားမှုစနစ် (Consignment စနစ် အပါအဝင်) တွင် လူစီးမော် တော်ယာဉ်များ၊ ကုန်တင် ယာဉ်များနှင့် ခရီးသည်တင်ယာဉ်များကို ၂၀၀၃ မှ ၂၀၀၉ ခုနှစ်မော်ဒယ် အတွင်း ၁၃၅၀ စီစီနှင့်အောက်လူစီးယာဉ် များကို ၂၀၀၃ မှ ၂၀၁၅ ခုနှစ်မော်ဒယ်အထိ တင်သွင်းခွင့်ပြုခဲ့သည်။

လူပုဂ်္ဂိုလ်တစ်ဦးချင်း၊ ပို့ကုန် သွင်းကုန် လုပ်ငန်းများ၊ အခြားတစ်ဦးချင်း လျှောက်ထားမှုစနစ်တွင် လူစီး မော်တော်ယာဉ်များ၊ ၁၃၅၀ စီစီနှင့်အောက် လူစီးယာဉ်များနှင့် အဝေးပြေးခရီးသည်တင်ယာဉ် (ဘယ် မောင်း) များကိုမူ ၂၀၁၀ မှ ၂၀၁၅ ခုနှစ်မော်ဒယ် အထိလည်းကောင်း၊ ကုန်တင်ယာဉ်များနှင့် မြို့တွင်း ခရီးသည်တင်ယာဉ်(ဘယ်မောင်း)များကို ၂၀၀၅ မှ ၂၀၁၅ ခုနှစ်မော်ဒယ်အထိ တင်သွင်းခွင့်ရှိမည်ဟု သတ်မှတ် ထားသည်။

အငှားယာဉ် လျှောက်ထားမှုတွင်လည်း လူစီးမော်တော်ယာဉ်ကို ၂၀၁၀ မှ ၂၀၁၅ ခုနှစ်မော်ဒယ်အတွင်း တိုင်း/ပြည်နယ် အစိုးရများ၏ ထောက်ခံချက်ဖြင့် တင်သွင်းရမည် ဖြစ်သည်။

ထို့အပြင် FOC စနစ်ဖြင့် ပြည်ပမှ လှူဒါန်းသည့် မော်တော်ယာဉ်ပါမစ်များ လျှောက်ထားရာတွင် လူစီးမော် တော်ယာဉ်များကို ၂၀၁၀ မှ ၂၀၁၅ ခုနှစ် မော်ဒယ် အတွင်းလည်းကောင်း၊ လုပ်ငန်းသုံးယန္တရားများနှင့် သာသနာရေးဆိုင်ရာယာဉ်များကို ၂၀၀၅ မှ ၂၀၁၅ ခုနှစ် မော်ဒယ်အတွင်း လည်းကောင်း၊ မီးသတ်ယာဉ်၊ လူနာတင်ယာဉ်၊ နိဗ္ဗာန်ယာဉ်တို့ကို ၁၉၉၉ မှ ၂၀၁၅ ခုနှစ်အတွင်း မော်ဒယ်များကို တင်သွင်းရန် သတ်မှတ်ထားသည်။

ထို့အပြင် ၂၀၁၅ ဇန်န၀ါရီ ၁ ရက်မှစ၍ ရောက်ရှိခုနှစ်နှင့် ရောက်ရှိခုနှစ်အောက် တစ်နှစ်နိမ့်မော်ဒယ်Brand New မော်တော်ယာဉ်များ တင်သွင်းပါက ဘယ်မောင်းသာ တင်သွင်းရမည်ဟု မော်တော်ယာဉ်တင် သွင်းခွင့်ဆိုင်ရာ ကြီးကြပ်ရေးကော်မတီက သတ်မှတ်ထားသည်။

Source : Mizzima

ပုံရိပ်(burmesehearts.com)

အစိုးရ နုတ်ထွက်ပေးရန် ပြည်မြို့တွင် ဆန္ဒပြတောင်းဆို

ယာဉ်စည်းကမ်း ကြီးကြပ်သူများ၏ ဒဏ်ကြေး ကောက်ခံမှုအပေါ် တိုင်ကြားမှုများ ပြုလုပ်ထားသော်လည်း တစ်စုံတစ်ရာ အရေးယူဆောင်ရွက်ခြင်း မရှိသည့်အတွက်ဟုဆိုကာ ပဲခူးတိုင်း ပြည်ခရိုင် ပြည်မြို့တွင် နိုင်ငံရေးတက်ကြွလှုပ်ရှားသူ နှစ်ဆယ်ခန့်က
အစိုးရ နုတ်ထွက်ပေးရန် ဒီဇင်ဘာ ၁၈ ရက်တွင် ဆန္ဒပြတောင်းဆိုသည်။

ပြည်မြို့၌ စည်းကမ်းမဲ့မော်တော်ယာဉ်များ ဖမ်းဆီးအရေးယူရာတွင် တရားရုံးဒဏ်ကြေးအပြင် တိုင်းဒေသကြီး အစိုးရအဖွဲ့သို့ စီမံဒဏ်ကြေးပါ ပေးသွင်းရသည့်အတွက် ဆန္ဒပြမှုများ၊ တိုင်ကြားမှုများ အကြိမ်ကြိမ်ပြုလုပ်ခဲ့ကြသည်ဟု ဆန္ဒပြသူတို့ကဆိုသည်။

ဆန္ဒပြသူတို့က ပြည်မြို့၊ ဗိုလ်ချုပ်ကျောက်ရုပ်ရှေ့တွင် စုဝေး၍ ရန်ကုန်-ပြည်လမ်းအတိုင်း ချီတက်ခြင်း၊ ပြည်မြို့ CB BANK ရှေ့တွင်
ဟောပြောခြင်း၊ ထိုမှ တစ်ဆင့် မြို့မရဲစခန်း၊ ယင်းမှ ဗိုလ်ချုပ် ကျောက်ရုပ်ရှေ့သို့ ပြန်လည်ချီတက်၍ ဟောပြောခြင်းတို့ ပြုလုပ်ကြသည်။

“ယာဉ်စည်းကမ်းကို ဗန်းပြပြီး ဓါးပြတိုက်နေတဲ့အဖွဲ့ကို ကျွန်တော်တို့က တိုင်စာတင်တယ်။ ဆန္ဒပြမှုတွေလည်း လုပ်တယ်။ အစိုးရက အရေးမယူဘူး။ အစိုးရက တာဝန်မယူတော့ အားကိုးလို့မရတဲ့ အစိုးရကို နုတ်ထွက်ပေးဖို့ ဆန္ဒပြတာ” ဟု ဆန္ဒပြခေါင်းဆောင် ကိုဝင်းလှိုင်က ဆိုသည်။

မတ်လ နှင့် စက်တင်ဘာလ အတွင်းကလည်း ဆန္ဒပြမှုများပြုလုပ်ဖူးပြီး ယင်းကိုဦးဆောင်သူ ခေါင်းဆောင် ဦးဝင်းလှိုင်ကို ခွင့်ပြုချက်မရှိဘဲ ပြုလုပ်မှုဖြင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေ ပုဒ်မ(၁၈) ဖြင့် ထောင်ဒဏ်သုံးလ အပြစ်ပေးဖူးသည်။

Source : Mizzima

ပုံရိပ်(burmesehearts.com)

ဦးဘရန်ရှောင်အား တပ်က တရားစွဲဆိုမှု ရုတ်သိမ်းပေးရန် Fortity Rights တောင်းဆို

ကချင်ပြည်နယ် ဖားကန့်မြို့၊ မှော်ဝမ်းရပ်ကွက်အုပ်စု (၁) ဆွတ်ငိုင်ယန်ကျေးရွာမှ ကိုးတန်းကျောင်းသူ မဂျာဆိုင်းအိန် သေဆုံးမှုကို တိုင်ကြားသည့် ဖခင် ဦးဘရန်ရှောင်အား စစ်တပ်က တရားစွဲဆိုထားမှုကို ရုပ်သိမ်းပေးရန် မြန်မာအပါအဝင်၊ အရှေ့တောင်အာရှတွင် လူ့အခွင့်အရေးချိုးဖော်မှုများကို အကာအကွယ်ပေးနေသည့် Fortify Rights အဖွဲ့ အပါအဝင် နိုင်ငံတကာ လူ့အခွင့်အရေး အဖွဲ့အစည်းများက သမ္မတ ဦးသိန်းစိန်ထံ ဒီဇင်ဘာ ၁၈ ရက်က အိတ်ဖွင့်ပေးစာပို့၍ တောင်းဆိုလိုက်သည်။

ဒီဇင်ဘာလ ၁၈ ရက်က သမ္မတ ဦးသိန်းစိန်ထံ စာမျက်နှာ ၄ မျက်နှာပါရှိသော အိတ်ဖွင့်စာကို Fortify Rights, လူ့အခွင်အရေး စောင့်ကြည့်ရေးအဖွဲ့ (Human Rights Watch), အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ကြီး (Amnesty International), လူ့အခွင့်အရေးအတွက် ဆရာဝန်များအဖွဲ့(Physicians for Human Rights), The International Commission of Jurists, The Harvard Law School International Human Rights Clinic တို့က ထုတ်ပြန်လိုက်ခြင်း ဖြစ်သည်။

၂၀၁၂ ခုနှစ် စက်တင်ဘာလ ၁၃ ရက်က မဂျာဆိုင်းအိန် သေဆုံးခဲ့ပြီးနောက် ဖခင် ဦးဘရန်ရှောင်က ယင်းဖြစ်ရပ်ကို အောက်တိုဘာလ ၁ ရက်တွင် အမျိုးသားလူ့အခွင့်အရေးကော်မတီထံ တိုင်တန်းခဲ့သည်ကို  မမှန်မကန် တိုင်းတန်းသည်ဟု ဆိုကာ အစိုးရ၏ ဒု-စစ်ဆင်ရေးမှူး ဗိုလ်မှူး ဇာနည်မင်းပိုက်က ဖားကန့်မြို့နယ် တရားရုံးတွင် ပုဒ်မ ၂၁၁ ဖြင့် တရားစွဲခဲ့သည်။

တိုင်ကြားစာတွင် အင်အား ၈၀ ခန့်ပါင်ဝသော ခလရ ၃၈၉ စစ်ကြောင်းသည် အခင်းဖြစ်ပွားသည့်နေ့က မှော်ဝမ်းရပ်ကွက်တွင် နားနေခဲ့ပြီး ညနေပိုင်း ၄ နာရီခန့်တွင် ရွာပြင်ထွက်ရန် ပြင်ဆင်နေစဉ် ပေါက်ကွဲသံ ကြားသဖြင့် KIO တပ်များဟု ထင်မှတ်ကာ ယင်းရွာအတွင်း ပစ်ခတ်ခဲ့သည်ဟု ဦးဘရန်ရှောင်၏ တိုင်ကြားစာတွင် ပါရှိသည်။

Fortify Rights အဖွဲ့သည် ၂၀၁၄ ခုနှစ် သြဂုတ်လမှ စက်တင်ဘာလအတွင်း မဂျာဆိုင်းအိန်သေဆုံးမှုနှင့် ပတ်သက်၍ ဖခင်ဖြစ်သူနှင့် မဂျာဆိုင်းအိန် သေဆုံးမှုကို မျက်မြင်သက်သေ ၅ ဦးတို့ကိုလည်း မေးမြန်းခဲ့သဖြင့် မဂျာဆိုင်းအိန် သေဆုံးမှုသည် မြန်မာအစိုးရ စစ်တပ်အနေဖြင့် တာဝန်ရှိကြောင်း ထုတ်ပြန်ချက်တွင် ပါရှိသည်။

၎င်းးဖြစ်စဉ်အပေါ် သမ္မတ ဦးသိန်းစိန်နှင့် တရားဥပဒေ စိုးမိုးရေးနှင့် အေးချမ်းတည်ငြိမ်ရေးကော်မရှင် ဥက္ကဌ ဒေါ်အောင်ဆန်းစုကြည်တို့ထံ တိုင်ကြားခဲ့သော်လည်း ယနေ့ထိ အကြောင်းပြန်လာခြင်း မရှိသေးပေ။

“အာဏာပိုင်တွေဟာ ပြစ်မှုတွေ ကျူးလွန်ကြတဲ့ စစ်သားတွေကို အပြစ်ပေးသင့်တာပါ။ ဦးဘရန်ရှောင်လိုမျိုး အမှန်တရား နဲ့ တရားမျှတမှုအတွက် ကြိုးပမ်းနေကြသူတွေကို လက်တုံ့ပြန်ရမှာ မဟုတ်ပါဘူး” ဟု ပြောဆိုထားသည်။

“ဦးဘရန်ရှောင်ကို ပြစ်မှုနဲ့ တရားစွဲတာဟာ မြန်မာစစ်တပ်၊ တရားစီရင်ရေး နဲ့ လူ့အခွင့်အရေး ကော်မရှင်တို့ အတွင်းမှာ လူ့အခွင့်အရေးကို လျစ်လျူရှုတဲ့ အစဉ်အလာ တစ်ရပ်ကို မီးမောင်းထိုး ဖော်ပြနေပါတယ်” ဟု Fortify Rights ၏ အမှုဆောင်ဒါရိုက်တာ Matthew Smith က ဆိုသည်။

ပထမဆုံး ရုံးချိန်းတွင် တရားလို ဒု-စစ်ဆင်ရေးမှူး ဗိုလ်မှူး ဇာနည်မင်းပိုက်က မဂျာဆိုင်းအိန် သေဆုံးမှုသည် ကချင်လွတ်လပ်ရေး တပ်မတော် (KIA) ၏ မိုင်းဗုံးကြောင့် သေဆုံးခြင်း ဖြစ်သည်ဟု တရားရုံးတွင် ထွက်ဆိုခဲ့သည်ဟု သူက ဆိုသည်။

၂ နှစ်ကျော်ကြာ ဦးဘရန်ရှောင် တရားစွဲဆိုမှုကို ဒီဇင်ဘာလ ၁၅ ရက်က ရုံးချိန်းတွင် တရားလို ရောက်လာခြင်း မရှိသဖြင့် စစ်ဆေးခြင်း မရှိဘဲ ၄၉ ကြိမ်မြောက် ရုံးချိန်းကို လာမည့် ဒီဇင်ဘာလ ၃၀ ရက်တွင် ထပ်မံပေးထားသည်ဟု သိရသည်။

Source : Mizzima

ပုံရိပ်(burmesehearts.com)