တန်ဖိုး

FacebookGoogle+LinkedInTwitterPinterestShare

မနက်ဖန်မရှိတော့ဘူးဆိုရင်

ဒီနေ့ဟာ …. နောက်ဆုံးစက္ကန့်အထိတန်ဖိုးရှိမှာပါ။

အကာတွေကို သိလာတဲ့တနေ့

အနှစ်ဆိုတာကို ရှာဖွေချင်လာမယ်။

ပြင်ပအရာတွေကို အလေးမပေးတဲ့အခါ

စိတ်ထဲကလွှမ်းမိုးမှုတွေ သိမြင်လာတယ်။

ယနေ့သာ နောက်ဆုံးတနေ့ဖြစ်ခဲ့ရင်

ယခုလုပ်နေတာတွေကို ဆက်လုပ်ပါ့မလား ….။

အားလုံးထားရစ်ခဲ့ရမှာ သေချာသွားတဲ့အခါ

ရင်ထဲပိုက်ထားချင်တဲ့အရာဟာ ဘာပါလိမ့် ….။

အားလုံးနဲ့ခွဲခွါသွားရမယ့်အချိန်မှာ

နောက်ဆုံးရှိနေချင်တာ ဘယ်သူနဲ့များလဲနော် ….။

ဇူဇူးစံ(burmesehearts.com)

ငလျင်ဒုက္ခသည်တွေကို ကူညီဖို့ငြင်းဆိုခဲ့သော နီပေါက ကြယ်ငါးပွင့်ဟိုတယ်

ငလျင်ကြီးလှုပ်ခဲ့ရာ နီပေါနိုင်ငံ၏မြို့တော် Kathmandu ရှိ (၃၇)ဧက အကျယ်အဝန်းရှိသော Hyatt Regency ကြယ်ငါးပွင့် ဇိမ်ခံဟိုတယ်ကြီးဟာ ငလျင်ဒုက္ခသည်တွေကို ကူညီဖို့ငြင်းဆိုခဲ့သည်ဟု နီပေါနိုင်ငံသား တိုးရစ်စ်ဂိုက်တစ်ဦးဖြစ်သူ Ang Tshering Lama က ဆိုခဲ့သည်။

Hyatt Regency hotel

အိပ်ယာပေါင်း (၂၈)ရှိသည့် ထိုဟိုတယ်ကြီးက ဟိုတယ်ဒုက္ခသည်များကို ၎င်းတို့ပိုင်နက်မြေသို့ပင် ဝင်ရောက်ခွင့်မပေးဘဲ ငွေကြေးတတ်နိုင်သည့် နိုင်ငံခြားသားများနှင့် နီပေါလူချမ်းသာအချို့ကိုသာ လက်ခံထားရှိကြောင်း သိရသည်။

လွတ်နေသော ဟိုတယ်မြက်ခင်းပြင်

ဒုက္ခသည်များကို ဟိုတယ်အပြင်ဘက်က မြက်ခင်းတွင်နေထိုင်ခွင့်ပေးရန် ခွင့်တောင်းခဲ့ရာ ဟိုတယ်ဝင်းပရဝုဏ်အတွင်း ဝင်ရောက်ဖို့ ငြင်းဆိုခံခဲ့ရသည်ဟု သိရသည်။

ဟိုတယ်အပြင်ဘက်မှ ငလျင်ဒုက္ခသည်များ

နီပေါနိုင်ငံသား တိုးရစ်စ်ဂိုက်က ထိုဟိုတယ်အပြင်ဘက်က လမ်းဘေးတွင် ဒုက္ခသည်များ နေထိုင်အခြေချကြရသည့် ပုံများကိုလည်း ပြသခဲ့ပေမယ့် ဟိုတယ်မန်နေဂျာကတော့ ယင်းစွပ်စွဲမှုဟာ မဟုတ်မှန်ကြောင်း ပြောဆိုခဲ့သည်။

နိုင်ငံတကာ ကယ်ဆယ်ရေးသမားများနှင့် နီပေါကယ်ဆယ်ရေးသမားများက အဆောက်အဦပျက်များကြားတွင် ငလျင်ဒဏ်မှ အသက်ရှင်ကျန်ခဲ့သူများကို ဦးစားပေး ရှာနေချိန်တွင် ငလျင်ဒဏ်ကြောင့် အိုးအိမ်မဲ့ ဖြစ်ခဲ့ရသူများမှာ လမ်းဘေးတွင် ဖြစ်သလိုတဲထိုးပြီး နေထိုင်နေကြရကြောင်း သိရသည်။

Source : Dailymail

ပုံရိပ်(burmesehearts.com)

ဆူပူမှုတွင် ရဲဆီအုတ်ခဲကိုင်ပြေးသွားသော မျက်နှာဖုံးစွပ် (၁၆)နှစ်သားကို လူပုံအလယ်ဆုံးမသည့်အမေအား ဂုဏ်ပြု

ပြီးခဲ့သည့် တနင်္လာနေ့က ဖြစ်ပွားခဲ့သော အမေရိကန်ပြည်ထောင်စုက Baltimore ဆူပူမှုတွင် ရဲဆီအုတ်ခဲကိုင်ပြေးသွားသော မျက်နှာဖုံးစွပ်ထားသည့် (၁၆)နှစ်သားကို မှတ်မိသိရှိခဲ့သော ကလေးခြောက်ယောက်အမေ Toya Graham အား ‘Mom of the year’ ဆုဖြင့် ဂုဏ်ပြုခဲ့ကြကြောင်း သိရသည်။

Toya Graham ဟာ ခင်ပွန်းမရှိဘဲ ကလေးခြောက်ယောက်ကို ပြုစုပျိုးထောင်လာခဲ့သူဖြစ်သည်။ ထိုနေ့က သူမသားကို ဆုံးမနေသည့် ဗွီဒီယိုဖိုင်ဟာ အွန်လိုင်းတွင် ပျံ့နှံ့သွားခဲ့ပြီး Baltimore ရဲချုပ်ကပင် သူမလိုမိဘမျိုးများများ ရှိစေချင်သည်ဟု ဖွင့်ဟပြောဆိုခဲ့သည်။

သူမ၏ လုပ်ရပ်ဟာ အမေရိကန်တလွှားတွင် လေးစားအပ်သည့် မိခင်အနေဖြင့် မိခင်များ၏ ချီးမြှောက်မှုကို ရရှိခဲ့သည်။ ဗုဒ္ဓဟူးနေ့မှာတော့ New York သို့ သွားရောက်ပြီး အင်တာဗျူး ဖြေဆိုမှု ပြုလုပ်ခဲ့သည်ဟုသိရသည်။

Toya Graham

Toya Graham က ရဲဆီအုတ်ခဲကိုင်ပြေးသွားသော မျက်နှာဖုံးစွပ်ထားသည့် သူမ၏ (၁၆)နှစ်သားကို ၎င်းဝတ်ဆင်ထားသည့် ဘောင်းဘီပွပွမှစတင်၍ မှတ်မိသိရှိခဲ့ခြင်းဖြစ်သည်။

ထို့နောက် မျက်လုံးချင်းဆိုင်ကြည့်ရာမှ သူမသားဖြစ်နေမှန်း မှတ်မိသိရှိသွားခဲ့ကာ လူပုံအလယ်တွင် ဆူပူမှု၌ပါဝင်နေသည့် သား၏ နှင်းလျှောစီးရာတွင် အသုံးပြုသည့်မျက်နှာဖုံးကို ဆွဲလှန်၍ ဆုံးမခဲ့သည့် အမေဖြစ်သည်။

သူမသားပညာသင်ယူနေသောကျောင်း စောစောလွှတ်လိုက်သည်ဟု ကြားကတည်းက သူမဟာ ဆူပူမှုများဖြစ်ရာနေရာသို့ လိုက်ချသွားခဲ့ကာ ဆူပူမှုထဲပါဝင်နေသည့် သားကိုမှတ်မိသိရှိပြီး စိတ်ဆိုးဒေါသထွက်၍ လူပုံအလယ်မှာပင် သားအား ဆုံးမခဲ့ခြင်းဖြစ်သည်။

Freddie Gray ဟု အမည်ရသည့် လူမည်းတစ်ယောက်အား အချုပ်ခန်းအတွင်းချုပ်ထားစဉ် ရရှိထားသည့်ဒဏ်ရာဖြင့် သေဆုံးမှုကြောင့် စတင်ဖြစ်ပွားလာခဲ့သော အဆိုပါလှုပ်ရှားမှုတွင် မိမိ၏သားအား Freddie Gray ကဲ့သို့ မဖြစ်စေချင်ပါဘူးဟု ‘Mom of the year’ ဆုရ Toya Graham က ဆိုခဲ့သည်။

သူမရဲ့သားဟာ ပြီးပြည့်စုံသူတစ်ယောက်လားဆိုသောမေးခွန်းကို သူမက သူမသားဟာ ပြီးပြည့်စုံသူ တစ်ယောက် မဟုတ်ပါဘူးဟု ဖြေဆိုကာ ဆက်လက်၍ သူဟာ သူမသားပါဟု ဖြည့်စွက်ဖြေဆိုခဲ့သည်။ သူမဟာ သားကို လမ်းတွေပေါ်မှာ ဘဝမဆုံးစေချင်ဘူးဟုလည်း သူမက ထပ်ဆိုခဲ့သည်။

သူမကိုယ်သူမ ဟီးရိုးတစ်ယောက်အဖြစ် မခံစားရဘဲ သူမသားကို လုံခြုံစိတ်ချရတဲ့ အခြေအနေမှာ ရှိစေဖို့ ရည်ရွယ်လုပ်ဆောင်ခဲ့ခြင်းဖြစ်ကာ ဖြစ်ပျက်နေတာတွေဟာ လုံခြုံစိတ်ချရမှုမရှိဘူးဟု သူမသိကြောင်း အင်တာဗျူးတွင် ဖြေဆိုခဲ့သည်။

သူမကဲ့သို့ပင် Baltimore က မိဘများအနေဖြင့် ၎င်းတို့၏ သားသမီးများကို လမ်းမများပေါ်မှ ဆွဲခေါ်ထုတ်စေချင်သည်ဟုလည်း Toya Graham က တိုက်တွန်းထားသည်။

Toya Graham က ဆူပူမှုတွင် ပါဝင်နေသော သားဖြစ်သူကို မှတ်မိသိရှိ၍ အိမ်ပြန်ရန် ဆုံးမခေါ်ဆိုပုံအား အောက်က ဗွီဒီယိုဖိုင်တွင် ကလစ်နှိပ် ကြည့်ရှုနိုင်သည်။

Source : Dailymail

ပုံရိပ်(burmesehearts.com)

လူငါးထောင်ကျော်သေဆုံးခဲ့သော နီပေါတွင် လေးလသားလေး ဘေးမသီရန်မခ အပျက်အစီးပုံအောက် အသက်ရှင်နေ

ပြင်းအား (၇.၈)အဆင့်ရှိ ငလျင်ကြောင့် လူငါးထောင်ကျော် သေဆုံးပြီးဖြစ်သော နီပေါနိုင်ငံတွင် လေးလသားလေးကို ၎င်း၏ ပြိုကျနေသော နေအိမ်အပျက်အစီးကြားထဲတွင် ဘေးမသီရန်မခ တွေ့ရှိ၍ ကယ်တင်နိုင်ခဲ့ကြောင်း သိရသည်။ ထိုလေးလသား ယောက်ျားကလေးဟာ ဖုန်များဖုံးနေသည့် အပျက်အစီးကြားမှ ကယ်တင်နိုင်ခဲ့ခြင်းဖြစ်သည်။

အပျက်အစီးအောက် အသက်ရှင်နေနိုင်သည့် ကလေးငယ်

ပထမငလျင်အပြီး နာရီပေါင်း (၂၂)နာရီကြာမှ ကလေးငယ်အား ကယ်တင်နိုင်ခဲ့သည်ဖြစ်ရာ လေးလအရွယ် ကလေးငယ်ဟာ အပျက်အစီးပုံအောက်တွင် ဒဏ်ရာအပွန်းအပဲ့မရှိ ၊ မစားမသောက်ပဲ အသက်ရှင်နေသည်မှာတော့ အံ့သြစရာပင်ဖြစ်သည်။

အပျက်အစီးအောက် အသက်ရှင်နေနိုင်သည့် ကလေးငယ်ပုံ

၎င်းရှိနေမှန်း မမှန်းဆ မသိနိုင်ကြသော ကယ်ဆယ်ရေးသမားများက ကလေး၏ငိုသံကြောင့် အပျက်အစီးကြား အံ့သြဖွယ် ခလုတ်မထိ ဆူးမငြိ အသက်ရှင်နေသော ကလေးအား ကယ်တင်နိုင်ခဲ့ကြခြင်း ဖြစ်သည်။

ကလေးငယ်တွေ့ရှိရာနေရာ

ကယ်ဆယ်ရေးအဖွဲ့ဟာ ကလေးရှိရာ Kathmandu က Bhaktapur ရှိ ၎င်းတို့နေအိမ်တွင် ၎င်းတို့မိသားစု အသက်ရှင်လိုရှင်ငြား ရှာဖွေကြရာ အပျက်အစီးပုံသာ တွေ့ရှိခဲ့ရပြီး ကလေးအသက်မရှင်လောက်ဘူးဟု ယူဆ၍ ထွက်ခွါသွားဖို့ လုပ်ခဲ့ကြသည်။

Sonit Awal

သို့ပေမယ့် ကလေးငယ်၏ငိုသံကြောင့် ပြန်လာရှာကြည့်ကြရာမှ အပျက်အစီးပုံအောက်က ကလေးကို ဆွဲထုတ်ကယ်တင်နိုင်ခဲ့ခြင်းဖြစ်သည်။

Sonit Awal ဟု အမည်ရသည့် ထိုလေးလသား ယောကျာ်းကလေးဟာ ပုံမှန်အခြေအနေတွင် ရှိနေပြီး ကလေးငယ်၏မိဘများ ဘယ်ရောက်နေလဲဆိုတာတော့ ယခုထိ သိရှိနိုင်ခြင်း မရှိသေးပေ။

Source : Dailymail

ပုံရိပ်(burmesehearts.com)

ဆောဒီဘုရင်က ၎င်း၏ညီအစ်ကိုဝမ်းကွဲတော်သော အိမ်ရှေ့မင်းသားကို နန်းချ

ဆော်ဒီအာရေးဗျနိုင်ငံ၌ ISIS နှင့် ဆက်နွယ်မှုရှိသော လူ(၉၃)ဦးအား ဖမ်းဆီးခဲ့ပြီးနောက်တွင် ဆော်ဒီဘုရင် Abdulaziz al-Saud က ၎င်း၏ညီအစ်ကိုဝမ်းကွဲတော်သူ အိမ်ရှေ့မင်းသား Muqrin အား ရာထူးမှနန်းချခဲ့သည်။

King Salman bin Abdulaziz al-Saud ဆော်ဒီဘုရင် Abdulaziz al-Saud

၎င်း၏နေရာတွင် ဘုရင်၏တူတော်သော လက်ရှိ ပြည်ထဲရေးဝန်ကြီးဖြစ်သူ Mohammed bin Nayef အား အိမ်ရှေ့မင်းသားရာထူးပေးအပ်ခဲ့သည်။

Mohammed bin Nayef

အိမ်ရှေ့မင်းသား Mohammed bin Nayef ဟာ ဆော်ဒီဘုရင် Abdulaziz al-Saud ၏ အရိုက်အရာကို ဆက်ခံမည့်သူအဖြစ် ပထမဆုံးနေရာတွင် ရပ်တည်နေသူဖြစ်လာသည်။

တဆက်တည်းမှာပင် ဘုရင် Abdulaziz al-Saud က အသက်(၃၀)ဝန်းကျင်အရွယ်ရှိ ၎င်း၏သားဖြစ်သူ လက်ရှိကာကွယ်ရေးဝန်ကြီး Mohammed bin Salman အား အိမ်ရှေ့မင်းသားရာထူး ပေးအပ်ခဲ့သဖြင့် Mohammed bin Salman ဟာ ဘုရင့်အရိုက်အရာကို ဆက်ခံနိုင်မည့် အိမ်ရှေ့မင်းသားအဖြစ် ဒုတိယနေရာတွင် ရပ်တည်နေသူဖြစ်လာသည်။

Mohammed bin Salman

ပြီးခဲ့သည့် ဒီဇင်ဘာလကတည်းက ISIS နှင့် ဆက်နွယ်မှုရှိသည်ဟူသော သံသယဖြင့် ဆော်ဒီ၌ ဖမ်းဆီးခဲ့သော လူ(၉၄)ဦးထဲတွင် (၇၇)ဦးဟာ ဆော်ဒီနိုင်ငံသားများဖြစ်ကြသည်။

၎င်းတို့က ဆောင်ဒီနိုင်ငံအခြေစိုက် အမေရိကန်သံရုံးအား ကားဗုံးထောင်ရန် ကြံစည်ခဲ့သူများဖြစ်သည်ဟု ယုံကြည်ရသည်။

Source : Dailymail

ပုံရိပ်(burmesehearts.com)

၂၀၁၅ အတွင်း အရာရှိ (၁၅)ဦးအား အာဏာမလေးစားလို့ ကင်မ်ဂျောင်အန် သတ်ခဲ့ဟုစွပ်စွဲခံရ

၂၀၁၅ ခုနှစ်အတွင်း မြောက်ကိုရီးယားအာဏာပိုင် ကင်မ်ဂျောင်အန် က ၎င်း၏ပေါ်လစီများကို မကျေနပ်သော အရာရှိများ ၊ ၎င်း၏အာဏာကို မလေးစားသော အရာရှိ(၁၅)ဦးအား သတ်ခဲ့သည်ဟု တောင်ကိုရီးယားစပိုင်များက စွပ်စွဲပြောဆိုခဲ့သည်။

Kim Jong-un

ကင်မ်ဂျောင်အန်သတ်ဖြတ် သုတ်သင်ခဲ့သော အစိုးရအရာရှိများထဲတွင် ဒုဝန်ကြီးအဆင့် နှစ်ဦးပါဝင်သည်ဟု Yonhap သတင်းအေဂျင်စီမှ ထုတ်ပြန်ခဲ့သည်။

ကင်မ်ဂျောင်အန်၏ သုတ်သင်ခြင်းခံရသော ထိုအရာရှိကြီးနှစ်ဦးစလုံးဟာ သူ၏ညွှန်ကြားမှုကို မကျေမနပ် ဆန့်ကျင်ခဲ့ကြသည့် အတွက်ကြောင့်ဖြစ်ကြောင်း ဥပဒေပြုလွှတ်တော်အမတ်များက ဆိုခဲ့သည်ဟု သိရသည်။

Source : Dailymail

ပုံရိပ်(burmesehearts.com)

Boko Haram ပြန်ပေးဆွဲထားသော မိန်းကလေး(၂၀၀)နှင့် အမျိုးသမီး(၉၃)ဦးအား ကယ်တင်နိုင်ခဲ့

နိုင်ဂျီးရီးယားစစ်တပ်က နိုင်ငံ၏ အရှေ့မြောက်ပိုင်းက Sambisa တောအား ဝင်စီးရာတွင် လက်နက်ကိုင် အကြမ်းဖက်အဖွဲ့ဖြစ်သည့် Boko Haram က ပြန်ပေးဆွဲခြင်းခံထားရသော မိန်းကလေး(၂၀၀)နှင့် အမျိုးသမီး(၉၃)ဦးအား ကယ်တင်နိုင်ခဲ့ကြောင်း နိုင်ဂျီးရီးယား အာဏာပိုင်များက ၎င်းတို့၏ တွစ်တာမှ ထုတ်ပြန်ကြေငြာခဲ့သည်။

ကယ်တင်နိုင်ခဲ့သူများ

hijab လို့ခေါ်သော မူစလင်အမျိးသမီးဆောင်း ဝတ်ရုံခေါင်းပေါင်းများ ဝတ်ဆင်ထားသည့် Boko Haram လက်က ကယ်တင်နိုင်ခဲ့သော ထိုမိန်းကလေးများဟာ ပြီးခဲ့သည့်နှစ် Chibok မှ ပြန်ပေးဆွဲခြင်း ခံခဲ့ရသော မိန်းကလေးများ မဟုတ်ချေ။

သို့ပေမယ့် Chibok မှ ပြန်ပေးဆွဲခြင်း ခံခဲ့ရသော မိန်းကလေးများဟာ ယခုကယ်တင်ခံခဲ့ရသူများထဲ၌ ပါဝင်ခြင်း ရှိ ၊ မရှိကိုမူ နိုင်ဂျီးရီးယားစစ်တပ်က အတည်မပြုနိုင်သေးပေ။

ယင်းစီးနင်းမှုတွင် SassaTokumbere နှင့် အခြားစခန်းနှစ်ခုကိုလည်း နိုင်ဂျီးရီးယားစစ်တပ်က ဖျက်ဆီးပစ်ခဲ့နိုင်သည်ဟု သိရသည်။

ကယ်တင်ခဲ့သော မိန်းကလေးများနှင့် အမျိုးသမီးများဟာ ပြန်ပေးဆွဲခံရသောသူများ (သို့မဟုတ်) Boko Haram အဖွဲ့ဝင်များနှင့် လက်ထပ်ထားသောသူများ ဟုတ် မဟုတ်ဆိုတာကို စစ်ဆေးနေဆဲဖြစ်သည်ဟု သိရသည်။

Source : Dailymail

ပုံရိပ်(burmesehearts.com)