class="post-thumbnail open-lightbox" href>
ကလေးသူငယ်များ မိမိကိုယ်ကို ယုံကြည်မှုရှိကြဖို့ ထိန်းကျောင်းခြင်း
ကလေးတွေရဲ့ စိတ်သဘောထားနဲ့ ပြုမူလုပ်ကိုင်ပုံတွေဟာ မျိုးရိုးဗီဇ နဲ့ သူတို့ရဲ့ ပင်ကိုယ်ဗီဇ အရသော်လည်းကောင်း ၊ လူကြီးမိဘများရဲ့ မြေတောင်မြှောက်ပေး သင်ကြားဆုံးမပေးနိုင်မှုအပေါ်လည်းကောင်း စသဖြင့် အချက်အမျိုးမျိုးအပေါ်မူတည်ပြီး ကွဲပြားသွားပါတယ်။
မိမိကိုယ်ကို ယုံကြည်မှုရှိတဲ့ ကလေးသူငယ်တွေဆိုတာ ဘယ်လိုသိနိုင်မလဲ။ ကလေးငယ်တွေဟာ မိမိကိုယ်ကို ယုံကြည်တဲ့ အရည်အချင်းရှိတယ်ဆိုရင် သူတို့ဟာ ရဲရင့်သတ္တိနဲ့ ပြည့်စုံတယ်။ စိတ်ဓါတ်ကြံ့ခိုင်တယ်။ သူနားမလည် ၊ မသိတဲ့ဘာသာရပ်ဖြစ်နေဦးတော့ လူကြီးနဲ့လည်း (၁၀)မိနစ်လောက်ကို အပြန်အလှန် ဗဟုသုတ ဆွေးနွေးနိုင်တယ်။
သူတို့ဟာ ရဲရင့်သတ္တိရှိတယ်ဆိုပေမယ့် မိုက်ရူးရဲ တဇွတ်ထိုး မစဉ်းစားဘဲ လုပ်ကိုင်တတ်တာမျိုးမဟုတ်ပါဘူး။ သူများပြောတာကို လူကြီးပြောတာပဲလေလို့ အလွယ်တကူ လက်ခံလိုက်တာမျိုးမဟုတ်ဘဲ ချက်နဲ့လက်နဲ့ အကြောင်းအကျိုးခိုင်လုံအောင် စူးစမ်းမေးမြန်းပြီးမှ လက်ခံတတ်တာမျိုးပါ။ သူများခြောက်တိုင်းလည်း ကြောက်ရွံ့နောက်ဆုတ်သွားတတ်တာမျိုးမဟုတ်ဘဲ ဖြစ်သင့် ၊ မဖြစ်သင့် ၊ ဟုတ် ၊ မဟုတ်ဆိုတာကို ကြောင်းကျိုးခိုင်လုံအောင် စဉ်းစားပြီးမှ နောက်ဆုတ်သင့်တယ်ဆို ဆုတ်သွားတာပါ။ စိတ်ဓါတ်ကြံ့ခိုင်တယ်ဆိုတဲ့နေရာမှာလည်း တခါရှုံးနိမ့်ရုံနဲ့ လက်မြှောက်အရှုံးပေးသွားတာမျိုးမဟုတ်ဘဲ အရှုံးကိုလက်သင့်ခံလို့ အနိုင်ပြန်ရအောင် ကြိုးစားချင်စိတ်ရှိတဲ့ကလေးဟာ စိတ်ဓါတ်ကြံ့ခိုင်သူပါ။
လူကြီးတွေဟာ ကလေးတွေမေးမြန်းတာကို စပ်စုတယ်လို့ ဆိုတတ်ကြတယ်။ တကယ်တော့ စပ်စုတယ်ဆိုတာ မိမိနဲ့ ဆိုင်ဆိုင်မဆိုင်ဆိုင် လူကြီးဘာပြောပြော ၊ ဘာလုပ်လုပ် အရာရာ လိုက်ဝင်ပါပြီး သိချင်တာဖြစ်ပါတယ်။ စူးစမ်းတယ်ဆိုတာကတော့ ဘာကြောင့်ဒီဟာ ဖြစ်သွားရတယ် ၊ ဘယ်လိုကြောင့် ၊ ဘာဖြစ်လို့ စသဖြင့် သူတို့နားမလည်သေးတဲ့ ကိစ္စတွေကို ခရေစေ့တွင်းကျ သူတို့စိတ်ထဲ ပုံဖော်နားလည်နိုင်တဲ့အထိ မေးမြန်းတတ်တာမျိုးပါ။ စူးစမ်းတတ်တဲ့ကလေးတွေဟာ စမ်းသပ်လိုစိတ်ရှိကြတယ်။ သူတို့ဟာ အရာရာတိုင်းကို စူးစမ်းတာမျိုးမဟုတ်ဘဲ သူတို့စိတ်ဝင်စားရာ အကြောင်းအရာတွေကို စူးစမ်းလေ့လာလို့ ပိုသိချင်တာမျိုးပါ။
စူးစမ်းတတ်တဲ့ ကလေးတွေကို သူတို့နားလည်လိုရာ အကြောင်းအရာကို ဆွေးနွေးပြောဆိုရှင်းပြခြင်းမျိုး မလုပ်တဲ့အပြင် စပ်စုလိုက်တာ ၊ ကလေးက ကလေးအရာမနေဘူးဆိုတဲ့ စကားနဲ့ သူတို့ရဲ့ စူးစမ်းလိုစိတ်ကို ပိတ်ပင်လိုက်မယ်ဆိုရင် ကလေးဟာ သူသိလိုတဲ့အကြောင်းအရာကို သိနားလည်အောင် မေးမြန်းဖို့ မဝံ့မရဲ ဖြစ်သွားပါပြီ။ ဒါဟာ ဗူးသီးအမွှေးသပ်လိုက်သလိုပါပဲ။ ကလေးရဲ့ စူးစမ်းလိုစိတ်ကို ပိတ်ပင်လိုက်တာပါ။ စူးစမ်းလိုစိတ်ရှိမှ ဒီအကြောင်းအရာကို ပိုသိနားလည်အောင် လေ့လာလိုစိတ်ရှိမယ်။ လေ့လာရင်းနဲ့မှ စမ်းသပ်တီထွင်လိုစိတ်တွေကြောင့် စမ်းသပ်တီထွင်ဖြစ်မှာပါ။ ဒါကို အစကနဦးခြေလှမ်းဖြစ်တဲ့ ကလေးငယ်ရဲ့  စူးစမ်းမှုကို ပိတ်ပင်လိုက်မယ်ဆိုရင် မမေးရဲတဲ့ကလေးဟာ စမ်းသပ်တီထွင်လိုစိတ်ရှိဦးတော့ မဝံ့မရဲစိတ်တွေ ကြီးစိုးသွားခဲ့ပြီလေ။ ဒါဟာ လူကြီးမိဘ နဲ့ ဆရာသမားတွေ သတိထားရမယ့်ကိစ္စပါပဲ။
တခါတလေ ကလေးမေးတဲ့စကားလုံးတွေကို ကိုယ်တကယ် သိနားလည်မှု မရှိတာ ဖြစ်ကောင်းဖြစ်မယ်။ ဒီလိုအခြေအနေမှာ ယုတ်ယောင်ယောင် ရမ်းတုတ် ၊ ဖြီးထည့်လိုက်တာမျိုး မလုပ်ပါနဲ့။ ကိုယ်မသိတာကို မသိဘူးလို့ အရိုးခံအတိုင်း ကလေးကို ဆက်ဆံပါ။ အဖြေမှန်ကို စာကြည့်တိုက်မှာဖြစ်ဖြစ် ၊ အွန်လိုင်းပေါ်မှာဖြစ်ဖြစ် ကလေးနဲ့အတူ ရှာဖွေကြည့်ပါ။ ဒီလိုလေ့ကျင့်ပျိုးထောင်ပေးခြင်းအားဖြင့် ကလေးဟာ သူသိလိုတဲ့ အဖြေမှန်ကို ဘယ်နေရာမှာ ဘယ်လိုရှာရမယ်ဆိုတာကို သင်ယူသွားပါတယ်။ မသိတာကို မသိဘူးလို့ ဝန်ခံရဲတဲ့ ကိုယ့်ကိုလည်း လေးစားလာမယ်။
တခါတလေ ကလေးက ကိုယ့်ထက်ပိုသိပြီး ကိုယ်မသိတဲ့ ကိစ္စရပ်တွေကို ကလေးက ဆွေးနွေးလိုရင် သူပြောတာ နားထောင်လိုက်ပါ။ တနည်းအားဖြင့် သူက ကိုယ့်ကို ပြန်သင်ခွင့် ပေးလိုက်တာပါပဲ။ ဒီလိုလုပ်ပေးတာဟာ ကောင်းတဲ့ အလေ့အကျင့်ပါ။ ကလေးဟာ သူလေ့လာထားတဲ့ စာတွေ့ဟာတစ်မျိုး ၊ ကိုယ့်ကို ပြန်ပြောပြ ဆွေးနွေးလို့ သင်ပြခွင့်ရတဲ့ လက်တွေ့ကတစ်မျိုးနဲ့ အကြောင်းအရာတစ်ခုအပေါ်မှာ အတွေ့အကြုံနှစ်ခု ဖြစ်ထွန်းသွားပါတယ်။ ကိုယ်လည်း ပညာရနိုင်တာပေါ့။ “ငါဟာ မိဘမို့ ငါသာကလေးကို သင်ရမယ်” ဆိုတဲ့ စိတ်ကြီး သားသမီးနဲ့မိဘကြား မထားတာ အကောင်းဆုံးဖြစ်ပါတယ်။ ခေတ်က မတူတော့ဘူးလေ။ ကိုယ်မသိသေးတဲ့အရာတွေကို သူဟာ လေ့လာသင်ယူရင်း သိနေနိုင်တယ်။
ကိုယ့်ကိုယ်ကို ယုံကြည်မှုမရှိတဲ့ ကလေးကျတော့ တခုခုဆို မိခင်ရဲ့အနောက်မှာ ပုန်းကွယ်နေတတ်တာမျိုး ၊ ယှဉ်ပြိုင်ပြောဆိုလုပ်ကိုင်ရမယ်ဆိုတဲ့အချိန်မှာ မဝံ့ရဲတာမျိုး ၊ သူများပြောလိုက်ရင် အယုံလွယ်လို့ လက်ခံလိုက်တာမျိုး ၊ သူများခြောက်တဲ့စကားတွေမှာ မျောပါ ကြောက်ရွံ့သွားတတ်တာမျိုး ၊ ရှေ့ဆက်လုပ်ကိုင်မယ့်အစား နောက်ဆုတ်ပေးလိုက်တာမျိုး ၊ အရှုံးဆိုတာ မပေါ်လာခင်ကတည်း ငါရှုံးနိုင်တယ်ဆိုတဲ့စိတ်ထားပြီး အရှုံးနဲ့ကြုံပြီဆို လွယ်လွယ်စိတ်ဓါတ်ကျလို့ နှစ်ခါပြန်ရှုံးတတ်တာမျိုးတွေပါ။
ဒီလိုဆို ကလေးကို မိမိကိုယ်ကိုယုံကြည်မှုရှိဖို့ မလေ့ကျင်ပေးသင့်ဘူးလား။ မိဘတိုင်းက ကိုယ့်ကလေးကို မိမိကိုယ်မိမိ ယုံကြည်မှုရှိတဲ့ကလေး ဖြစ်စေချင်ကြပါတယ်။ ဒါပေမယ့် အကြီးမားဆုံးစိန်ခေါ်မှုက သူတို့ ကိုယ့်ကိုယ်ကို ယုံကြည်မှုရှိလာဖို့ ဘယ်လို လေ့ကျင့်ပျိုးထောင်ပေးမလဲဆိုတာပါပဲ။ ကျွန်မအကြိမ်ကြိမ်ဆိုခဲ့ဖူးသလို ကလေးမှာ ဖြစ်စေချင်တဲ့အရာ ကိုယ်ကကအရင်လုပ်ပြရမှာဖြစ်ပါတယ်။
ကလေး ကိုယ့်ကိုယ်ကို ယုံကြည်မှုရှိလာဖို့ဆိုရင် မိဘကိုယ်တိုင်က သူတို့ကို ယုံကြည်မှုရှိကြောင်း ပြသရမှာပါ။ မိဘဟာ သူတို့အပေါ် ယုံကြည်မှုရှိရှိနဲ့ လုပ်ကိုင်ခွင့်ပေးတယ်ဆို ကလေးဟာ အားတက်လာပါတယ်။ ပထမဆုံး ကလေးကို မိမိမျက်စိအောက် ခြေတလှမ်းအကွာလောက်ကနေ ယုံကြည်မှုပေးတဲ့မျက်ဝန်းနဲ့ စောင့်ကြည့်လို့ သူလုပ်ချင်ရာ လုပ်ခွင့်ပေးလိုက်ပါ။
နောက်တဆင့်က သူ့ကို မှန်ကန်တဲ့နည်းတဲ့ လုပ်ကိုင်တတ်အောင် ၊ သူလုပ်ကိုင်လိုတဲ့အရာ ဖြစ်မြောက်အောင်မြင်သွားအောင် နည်းလမ်းတကျ သွန်သင်ပြသလို့ သူ့ဘာသာ အကြိမ်ကြိမ်လုပ်ကိုင်ခွင့်ပေးရမှာပါ။ အကြိမ်ကြိမ်လုပ်ခွင့်ပေးရမယ်ဆိုတာ သူမအောင်မြင်တဲ့အခါမျိုးတွေမှာ ထပ်ကြိုးစားကြည့်ဖို့ အားပေးပြီး ထပ်ကြိုးစားချင်စိတ် ပေးရမှာပါ။ ဘာကြောင့် မအောင်မြင်နိုင်သေးလဲဆိုတာ အကောင်းဘက်က ထောက်ပြပြီး အမှန်က ဘယ်လိုလုပ်ရင် အောင်မြင်နိုင်တယ်လို့ နည်းပေးလိုက်ရမှာပါ။ ကလေး မအောင်မမြင် ဖြစ်တဲ့အခြေအနေတွေကို ပြက်ရယ်ပြုတာမျိုး ၊ မခံချင်အောင် ရှုံ့ချပြောဆိုတာမျိုး အထူးရှောင်ကြဉ်ရမှာပါ။
ကလေးဟာ သူသင်ခဲ့တဲ့ အသိလေး ၊ အတွေ့အကြုံလေးတွေနဲ့ သူ့ဘာသာလုပ်ကိုင်လို့ အောင်မြင်သွားရင် “ငါတကယ်လုပ်ဖို့ပဲလိုတာ ၊ ဇွဲရှိရှိလုပ်ကိုင်မှသာ အောင်မြင်မှုကို ခံစားရနိုင်တာ” လို့ နားလည်သွားပါတယ်။ ကလေးရဲ့အောင်မြင်မှုကို ကလေးနဲ့အတူ မိဘက ချီးမြှောက်ပြောဆို ဂုဏ်ပြုတာမျိုးတွေနဲ့ အောင်ပွဲခံပေးလိုက်ပါ။ ဒီအခါ ကလေးဟာ နောင်မှာ လုပ်ကိုင်ရဲလာမယ် ၊ လုပ်ကိုင်ရင်းနဲ့မှ အောင်မြင်လာပြီး သူ့ကိုယ်သူ ယုံကြည်မှု ရှိလာမှာဖြစ်ပါတယ်။ ဒီလိုဆို မိမိကိုယ်ကို ယုံကြည်မှုရှိတဲ့ ကလေးဖြစ်လာပြီပေါ့။
အောင်မြင်နေတဲ့အနေအထားမှာ ငါတော် ၊ ငါတတ် ၊ ငါတကော ကောပြီး တခြားသူတွေကို မတူသလို ၊ မတန်သလို လုပ်မယ်ဆိုရင်ဖြင့် ဒီလူဟာ အကျနာတော့မှာပါ။ တချို့သော တော်လွန်းတဲ့ကလေးတွေဟာ တခြားကလေးတွေကို မတူသလို ၊ မတန်သလို ဆက်ဆံတတ်ကြတယ်နော်။ ဒါဟာ မိဘတွေရဲ့ သွန်သင်ဆုံးမမှု အများကြီးလိုပါတယ်။ ကလေးဟာ သူ့အောင်မြင်မှုတွေကြောင့် သူ့ကိုယ်သူ ဘဝင်လိုလို ၊ အထာကိုင်သလိုလို ဖြစ်မသွားရလေအောင် မိဘဟာ သတိရှိရှိ ထိန်းကျောင်းရဦးမှာပါ။ ဘဝင်ကိုင်နေပြီး ထီမထင်နဲ့ မြောက်ကြွမြောက်ကြွ ဖြစ်နေရင် ဒီအောင်မြင်မှုမှာ သာယာနေပြီပေါ့။
အောင်မြင်မှုရသူတွေဟာ ဆက်လက်အားထုတ်လေ့လာရင်း ဆက်လက်ကြိုးစားတာမျိုး မလုပ်ရင် ဒီအောင်မြင်မှုတွေကို အနှေးနဲ့အမြန်ဆိုသလို လက်လွှတ်လိုက်ရမှာပါ။ ဒါကိုကောင်းကောင်း နားလည်ထားရင် အောင်မြင်တဲ့အနေအထားကနေ ပြန်ပြုတ်ကျမလာဖို့ ဆက်လက်အားထုတ်လေ့လာရင်း စဉ်ဆက်မပြတ် ဆက်လက်ကြိုးစားတာမျိုး လုပ်ရမှာပါ။ ဒါမှလည်း ရေရှည်မှာ အောင်မြင်မှုကို ထိန်းသိမ်းထားနိုင်မယ်လေ။ မိမိကိုယ်ကိုယုံကြည်မှုရှိရှိနဲ့ ဇွဲ ၊ လုံ့လ ၊ ဝီရိယစိုက်ထုတ်လို့ စဉ်ဆက်မပြတ်လေ့လာ ကြိုးစားပါမှသာ အောင်မြင်မှုကို ရေရှည်ထိန်းသိမ်းထားနိုင်သူတွေ ဖြစ်မယ်ဆိုတာတော့ သတိချပ်သင့်ပါတယ်။
ရတု (Burmesehearts.com)
