class="post-thumbnail open-lightbox" href>
ကလေးငယ်များကို ကိုယ်ချင်းစာသနားညှာတာ၍ ဖေးမနှစ်သိမ့်ပေးတတ်သောစိတ် ပျိုးထောင်ပေးခြင်း
လူကြီးမိဘတွေဟာ အနာဂါတ်ကလေးငယ်ငယ်များကို ကိုယ်ချင်းစာသနားညှာတာ၍ ဖေးမနှစ်သိမ့်ပေးတတ်သောစိတ် မဖြစ်မနေ ပျိုးထောင်ပေးရမှာပါ။ ကိုယ်ချင်းစာသနားညှာတာ၍ ဖေးမနှစ်သိမ့်ပေးတတ်သောစိတ်ဟာ နှစ်ခုဒွန်တွဲလို့နေတာပါ။ နှစ်ခုလို့သာပြောတာ တကယ်တော့လည်း နှစ်ခုမကဘဲ အဆင့်ဆင့်ဆက်စပ်နေပါတယ်။
ပထမဦးစွာ တပါးသူဒုက္ခရောက်တာ တွေ့မြင်ကြားသိရတဲ့အချိန် သူ့နေရာမှာ ငါဆိုရင်ဆိုတဲ့ ခံစားချက်ကလေးက ကိုယ်ချင်းစာနာစိတ်ကလေးပါ။ သူနာတာကို ကိုယ်နာသလို ကိုယ်ချင်းစာတတ်ပြီဆိုရင်တော့ နာနေတဲ့သူ့ကို သနားမယ်။ ဒီလိုသနားတဲ့စိတ်ကြောင့် ညှာတာတတ်လာမယ်။ ဒီလူဟာ ကိုယ့်အကူအညီလိုအပ်နေတယ်ဆို လိုအပ်တာတွေသူ့ကို ဖေးမကူညီပေးမယ်။ ကိုယ်ဟာ သူ့အခြေအနေနဲ့ ခံစားမှုတွေကို နားလည်စာနာသူတစ်ဦးအနေနဲ့ သူခံစားရသက်သာလာအောင် နှစ်သိမ့်ပေးမယ်။ ဒါတွေအကုန်လုံးဟာ ပထမဦးဆုံးအဆင့်ဖြစ်တဲ့ ကိုယ်ချင်းစာစိတ်ကနေ စလာတာပါ။
ကိုယ်ချင်းစာစိတ်မရှိတဲ့ကလေးကတော့ အားနည်းသူကို ညှာတာရမှန်းမသိ ၊ သနားစရာဖြစ်နေတဲ့ အခြေအနေကို မျက်မြင်ကြုံတွေ့ရသည့်တိုင် မသနားတတ် ၊ မသနားတတ်တော့ ဖေးမနှစ်သိမ့်ပေးရကောင်းမှန်း ၊ အကူအညီပေးရကောင်းမှန်း နားမလည်တော့ဘူးလေ။ အတ္တတွေဖုံးနေတဲ့ တဘို့တည်းကြည့်တတ်သူလေး ဖြစ်နေမှာပေါ့။ ဒီလိုစိတ်ဓါတ်နဲ့လူတွေများရင် ပျော်ရွှင်မှုနည်းတဲ့ လူမှုအသိုင်းအဝန်းဖြစ်နေမှာပေါ့။ ဒီလိုအသိုင်းအဝန်းမှာ နေချင်စဖွယ်လည်း မကောင်းဘူးလေ။
ကလေးတစ်ယောက် ကိုယ့်ဘဝထဲရောက်လာပြီဆိုတာနဲ့ ကိုယ့်ဘဝရဲ့ အရေးအကြီးဆုံးပုဂ္ဂိုလ်ဟာ ကလေးပဲဖြစ်သင့်တာပါ။ ကိုယ်ခေါ်လို့ လူ့လောကထဲရောက်လာတဲ့ ဒီကလေးငယ်လေးဟာ ကိုယ့်အထောက်အပံ့နဲ့ အရေးတယူဂရုစိုက်မှုကိုမှ မခံစားရဘူးဆိုရင် ကိုယ်ဟာ အပြစ်ရှိနေသူတစ်ဦးပါ။ အပြစ်မဲ့တဲ့ကလေးအပေါ် အပြစ်တွေ လုပ်နေမိသူပေါ့။ ကိုယ့်မှီတွယ်ပြီးမှ ကိုယ့်အထောက်အပံ့ ၊ ပြုစုဂရုစိုက်မှုတွေနဲ့ လူတသုံးသူတလုံး ဖြစ်လာရမယ့်ကလေးကို မိမိရဲ့ အချိန်တွေ တတ်အားသမျှပေးအပ်လို့ နည်းမှန်လမ်းမှန် လမ်းညွှန်သွန်သင်ပြသမှုတွေ လုပ်ရဦးမှာလေ။
မိဘဖြစ်တဲ့ကိုယ်က မပြောမဖြစ် ပြောသင့်တဲ့စကားဟာ သူ့ကိုဘယ်လောက်ချစ်ကြောင်း ၊ ဘယ်လို တန်ဖိုးထားကြောင်း ဖြစ်ရမှာပါ။ ဒါဟာ ကလေးငယ်တွေရဲ့ နွေးထွေးလုံခြုံစိတ် ခံစားရဖို့အတွက် ပထမဆုံးခြေလှမ်းဖြစ်ပါတယ်။ မေတ္တာပေးမှ ကိုယ်ပေးတဲ့မေတ္တာကို သူခံစားရတာပါ။ သူခံစားရမှ သူကိုယ်တိုင်လည်း မေတ္တာပြန်ပေးတတ်မှာလေ။
အားနည်းသေးတဲ့ ပီဘိကလေးလေးဖြစ်တဲ့ ကိုယ့်ရင်သွေးကို ထွေးဖက်ထားခြင်းနဲ့ အားအင်တွေပေးပြီး ခံစားစေမယ်ဆိုရင် သူဟာ ဒီလိုခံစားမှုရဲ့ အရသာကို နားလည်သွားပါပြီ။ ဒီလိုနားလည်ပါမှလည်း သူများကို နွေးထွေးတတ်မှာပေါ့။ ဒါဟာ မိဘတွေ မဖြစ်မနေလုပ်သင့်တာတွေပါ။
နွေးထွေးမှုနဲ့ မေတ္တာတရားကို ကလေးငယ်ဟာ ခံစားနားလည်လာပြီဆိုရင် နောက်တဆင့်တိုး သင်ပေးရမှာက နွေးထွေးမှုနဲ့ မေတ္တာတရားတွေ လိုနေတာဟာ ဒီလောကကြီးမှာ သူတစ်ယောက်တည်း မဟုတ်ဘူးဆိုတာကို နားလည်ဖို့ပါပဲ။ ဒါကို မိဘက သင်ပေးရမယ်လေ။ သေးငယ်တဲ့ ပုရွက်ဆိတ်ကလေးတွေကို သနားညှာတာတတ်အောင် ၊ နာကျင်သွားတဲ့တစ်ဦးတစ်ယောက်ကို ကိုယ်ချင်းစာတတ်အောင် ၊ နှစ်သိမ့်ပေးတတ်အောင် ၊ ဖေးမတတ်အောင် ၊ အကူအညီလိုနေသူတွေကို ကူညီပေးတတ်အောင် မိဘက မေတ္တာတရားအခြေခံပြီး ကောင်းမွန်စွာ ချိုချိုသာသာလေးပြောပြလို့ သွန်သင်ပေးရမှာပါ။
သူ့ဆန္ဒနဲ့ လိုအပ်ချက်တွေ ပြည့်စွမ်းနိုင်မှု မရှိခြင်းဟာ စားရာမဲ့သောက်ရာမဲ့ဘဝ ရောက်နေသူတွေနဲ့ (ဒုက္ခသည်တွေနဲ့) ယှဉ်လိုက်တဲ့အခါမှာ ဘာမှ အရေးမပါလှဘူးဆိုတာ သူနားလည်လာအောင် ပြောပြရမယ်။ ဒါမှလည်း ကိုယ့်ထက်အဖြစ်ဆိုးတဲ့သူတွေ ရှိပါလားဆိုတာနဲ့ ကိုယ့်ထက်အဖြစ်ဆိုးသူတွေကို ကိုယ့်ထဲက မျှဝေပေးချင်စိတ်တွေ ရှိလာမှာပါ။ အားချင်းမမျှတဲ့ ငယ်သူကို အလျှော့ပေးလို့ ဖေးမရမယ်။ ကြီးသူကိုရိုသေလို့ ရွယ်တူကို လူလူချင်း လေးစားတတ်အောင် ၊ သတ္တဝါတွေအပေါ် သနားညှာတာတတ်အောင်လည်း သင်ပေးရဦးမယ်။
ကိုယ်လိုရာလမ်းရောက်ဖို့ အရှေ့ကလူတွေ လဲပြိုယိုင်နဲ့သွားအောင် တွန်းထိုး ၊ ခြေထိုးခံတတ်တဲ့ အကျင့်မျိုး ရှိမနေအောင် ၊ အားနည်းတဲ့သူကို လှောင်ပြောင်သရော်တာမျိုးတွေ မလုပ်ဖို့ ၊ ကူကယ်ရာမဲ့ ဖြစ်နေတဲ့ သတ္တဝါတွေကို ကျီစားအနှောင့်အယှက်ပေးလို့ မိမိရဲ့ စိတ်ပျော်ရွှင်မှု ရှာတာမျိုးမလုပ်ဖို့ ၊ သူများ ဂရုတစိုက်ပျိုးထောင်ထားတဲ့ ပန်းခင်း ၊ စိုက်ခင်းတဲ့ တန်ဖိုးထားတဲ့အရာတွေကို ဖျက်ဆီးပစ်တတ်တဲ့ အကျင့်မျိုးမရှိဖို့ စတဲ့ လူပီသတဲ့အကျင့်တွေကို သင်ပေးရဦးမယ်။
ဒီလိုသင်ပေးတဲ့အခါမှာ မသိ ၊ နားမလည်သေးတဲ့ကလေးဟာ ဘာကြောင့် ၊ ဘယ်လိုဆိုတာတွေနဲ့ မေးမြန်းပြီး ဘာဖြစ်လို့ ဒီလိုလုပ်သင့်သလဲဆိုတာကို စူးစမ်းလေ့လာမှာပါ။ မိမိအဖြေတွေဟာ အကောင်းဘက်ကနေ သူနားလည်သည်အထိ ဖြေပေးနိုင်လေ သူ့စိတ်ထဲ ၊ နှလုံးထဲမှာ နက်နက်ရှိုင်းရှိုင်း မှတ်မိနာယူသွားလေပေါ့။ သူများတွေရဲ့ ခံစားမှုကို နားလည်ခံစားလို့ ကိုယ်ချင်းစာမိဖို့ဆိုရင် မိမိခံစားရတဲ့အခါ ဘယ်လိုလဲဆိုတာနဲ့ သင်ပေးနိုင်ရင် အကောင်းဆုံးဖြစ်မှာပါ။ ဥပမာ ကလေးကို သူများက တွန်းလို့ ထိခိုက်ဒဏ်ရာရသွားရင် ၊ ကလေးရဲ့ပစ္စည်းကို သူများက လာလုယူရင် ဘယ်လို ခံစားရသလဲဆိုတာနဲ့ သင်ပေးရင် သြော် ဒီလို ၊ ဒါကြောင့်ပါလားဆိုပြီး သူဟာ ကိုယ်ချင်းစာတတ်လာမယ်။
မိဘက မလုပ်နဲ့ပြောလို့ မိဘရှေ့မလုပ်တာထက် ကိုယ်ချင်းစာစိတ်ကလေးနဲ့ မလုပ်သင့်တာကို မလုပ်ဖြစ်အောင် သင်ပေးတာဟာ တသက်တာအတွက် အကောင်းဆုံးဖြစ်ပါတယ်။ ကိုယ်ချင်းစာစိတ်ကလေးကြောင့် မလုပ်ဖြစ်တော့ဘူးဆိုရင် အခုကော ၊ နောင်ကော ၊ မိဘရှေ့ကော ၊ မိဘနောက်ကွယ်ကော မလုပ်တော့ပါဘူး။ မိဘက မလုပ်နဲ့ပြောလို့ မလုပ်တာမျိုးဆိုရင်တော့ မိဘနောက်ကွယ်မှာ ၊ နောင်မှာ လုပ်နေနိုင်သေးတယ်လေ။
ကိုယ်ချင်းစာစိတ်ကလေးနဲ့ ကြီးပြင်းလာတဲ့ကလေးဟာ စိတ်နှလုံး နူးညံ့သိမ်မွေ့ပါတယ်။ မိမိစိတ်ကို မိမိသိနားလည်တာမို့ မမျှတဘူးဆိုတဲ့အလုပ်ကို အများတကာအတွက် စဉ်းစားပြီး မလုပ်ဖြစ်တော့ဘူး။ သူလုပ်တဲ့အလုပ်တွေကိုလည်း ကိုယ် ၊ စိတ်နှလုံး လုံခြုံစွာ မျှမျှတတ လုပ်ကိုင်တဲ့အတွက် သူ့ပတ်ဝန်းကျင်မှာ နေသူတွေက စိတ်ချမ်းသာတယ် ။ သူနဲ့ လက်တွဲလုပ်ကိုင်ရသူတွေက စိတ်ချမ်းသာတယ်။ သူ့လက်အောက် လုပ်ကိုင်ရသူတွေက စိတ်ချမ်းသာတယ်။ သူ့ဘဝလက်တွဲဖော်ဟာလည်း စိတ်ချမ်းသာတယ်။ သူ့သားသမီးတွေဟာလည်း စိတ်ချမ်းသာတယ်။ ကိုယ်ချင်းစာစိတ်ဆိုတဲ့ မျိုးဆက်ကလေး ချလိုက်တဲ့အတွက် သူ့မျိုးဆက်တွေဟာ ကိုယ်ချင်းစာစိတ်ကလေးနဲ့ အသက်ဝင်သွားနိုင်တာပေါ့။ ဒါဟာ မျိုးဆက်လိုက် စိတ်ကောင်း ၊ စေတနာကောင်း ၊ နာမည်ကောင်း တွင်ရစ်စေမယ့် စိတ်ထားလေးပဲလေ။ မိဘတိုင်း ကိုယ်ချင်းစာတတ်လို့ ကလေးတိုင်းလည်း ကိုယ်ချင်းစာတတ်ကြပါစေ။
ရတု (Burmsehearts.com)
