ကလေးမွေးလို့ ဗိုက်နာတယ်ဆိုတာ ဘယ်လိုခံစားမှုမျိုးလဲ?

0

(၁၀)မိနစ်တစ်ကြိမ် ဗိုက်နာတဲ့အခါ ဗိုက်ကညှစ်အားပေးလို့ ညှစ်ချင်လာတာကို စက္ကန့်(၃၀)ဝန်းကျင်ခံစားရမှာဖြစ်ပါတယ်။ ထိုအချိန်မှာ သားအိမ်က (၃)စင်တီမီတာနီးပါးအထိ ပွင့်နေနိုင်ပါတယ်။ သားအိမ် (၃)စင်တီမီတာအထိ ပွင့်လာချိန်အထိ မီးဖွားစဉ်ဗိုက်နာတဲ့ဝေဒနာဟာ သာမာန်လူတွေ ဗိုက်ပျက် ၊ ဗိုက်နာလို့ ခံစားရတဲ့ ခံစားမှုမျိုးနဲ့ ဆင်တူနေပါတယ်။

(၅)မိနစ်တစ်ကြိမ် ဗိုက်နာတဲ့အခါ ဗိုက်ကညှစ်အားပေးလို့ ညှစ်ချင်လာတာကို စက္ကန့်(၆၀)ဝန်းကျင်ခံစားရမှာဖြစ်ပါတယ်။ ထိုအချိန်မှာ သားအိမ်ဟာ (၃)စင်တီမီတာကနေ (၈)စင်တီမီတာအထိ ပွင့်လာမှာဖြစ်ပါတယ်။ ။ ဒီအခြေအနေမှာ နာကျင်မှုဝေဒနာအများစုဟာ ဗိုက်အလယ်ကနေ ကျောအောက်ပိုင်းက ထိုးနာတဲ့ခံစားမှုမျိုးကို ခံစားရမှာဖြစ်ပါတယ်။ အဲဒီနာကျင်မှုဟာ တဖြည်းဖြည်း နောက်ကျောဆီကို စတင်ရွေ့လာမှာဖြစ်ပါတယ်။ ဒီအခြေအနေမှာ တချို့မိခင်လောင်းတွေက ချမ်းလာတာမျိုး ၊ မအီမသာဖြစ်ပြီး ပျို့အန်ချင်လာတာမျိုးတွေ ခံစားရတတ်ပါတယ်။

(၁)မိနစ်ခြားတစ်ခါ ဗိုက်နာလာပြီဆိုရင်ဖြင့် မွေးခါနီးပြီမို့ ဗိုက်နာတဲ့အကြိမ် စိတ်လာသလို ဆက်တိုက်နာလာတာဖြစ်ပြီး ဗိုက်ကညှစ်အားပေးလို့ ညှစ်ချင်လာတာကို စက္ကန့်(၉၀)ဝန်းကျင် ခံစားရမှာဖြစ်ပါတယ်။ ဒီတော့ တအားညှစ်ထုတ် မွေးချင်စိတ်တွေ ဖြစ်ပေါ်လို့နေပါတယ်။ ဒီအချိန်မှာ သားအိမ်ဟာ (၈)စင်တီမီတာကနေ (၁၀)စင်တီမီတာသို့ ပွင့်လာပါပြီ။ သီးသန့်မွေးခန်းလိုမျိုးမရှိတဲ့ အစိုးရဆေးရုံတွေမှာ မွေးချိန်မှ မွေးခန်းထဲ ခေါ်မွေးရမယ့်လူနာတွေကို ဒီအချိန်မှာမှ မွေးခန်းထဲကို ခေါ်ဆောင်တတ်ပါတယ်။
ဗိုက်နာနေတဲ့မိခင်လောင်းဟာ စိတ်ကို အတတ်နိုင်ဆုံးလျှော့ထားပြီး ဗိုက်နာတာ ခံစားနေရတဲ့အခါ အသက်ကို ပုံမှန်ရှူပေးရပါမယ်။ ဗိုက်နာတာ ခဏတာရပ်သွားတာနဲ့ အသက်ကို တဝရှူပြီး သက်သာတဲ့ပုံစံနဲ့ အနားယူပါ။ မီးဖွားစဉ်ဗိုက်နာတဲ့ခံစားမှုဟာ ကလေးအပြင်ရောက်တာနဲ့ လုံးဝပျောက်သွားပါတော့တယ်။ 

You might also like