ဘဝအဓိပ္ပါယ် နှင့် ရှင်သန်ခြင်း၏အဓိပ္ပါယ်

ဘဝဆိုတဲ့အဓိပ္ပါယ်ကို အမျိုးမျိုး အဓိပ္ပါယ်ဖွင့်ကြမှာပါ။ လူအမျိုးမျိုးဆိုတော့ စိတ်အမျိုးမျိုးလေ။ ခံယူချက်တွေ အမျိုးမျိုး ကွဲပြားသွားတာမို့ မိမိလိုလားချက် ၊ တောင့်တချက် ၊ ဆန္ဒတွေ ၊ အထင်ကြီးမှုတွေ ၊ ငတ်မွတ်မှုတွေ စသဖြင့်ကို အခြေတည်ပြီးတော့ လူတွေဟာ ဘဝဆိုတဲ့အဓိပ္ပါယ်ကို အမျိုးမျိုးဖွင့်ကြတာပါ။ ကိုယ့်အယူအဆနဲ့ကိုယ်တော့ မှန်ကောင်းမှန်မှာပေါ့။ တယောက်နဲ့တယောက် ခံယူချက်တွေ ကွဲပြားသွားတာကို လက်မခံနိုင်လို့ အငြင်းပွားမယ်ဆိုရင်လည်း အငြင်းပွားကြမှာပေါ့။

ကျွန်မအတွက်တော့ ဘဝဆိုတဲ့အဓိပ္ပါယ်ဟာ ခပ်ရှင်းရှင်းလေးပါ။ ဘဝဆိုတာဟာ ရှင်သန်ခြင်းပဲလေ။ ဘဝဆိုတဲ့အဓိပ္ပါယ်ဟာ ရှင်သန်ခြင်းရဲ့အဓိပ္ပါယ်ပါပဲ။ ရရှိနေတဲ့ဘဝမှာ ဘယ်လိုမျိုးရှင်သန်သွားချင်သလဲဆိုတာကိုမူတည်ပြီး လူတွေရဲ့ခံယူချက်ကွဲပြားသွားတာပါ။

လူချမ်းသာစွာရှင်သန်လိုတဲ့သူတွေရှိမယ် ၊ စိတ်ချမ်းသာစွာရှင်သန်လိုသူတွေရှိမယ် ၊ ကိုယ်ကျန်းမာစွာ ရှင်သန်လိုသူတွေရှိမယ် ၊ သူများအပေါ်လွှမ်းမိုးသွားလိုသူတွေရှိမယ် ၊ သူများအပေါ်ပေးကမ်းလိုသူတွေလည်းရှိမယ်။ လူချင်းတူပေမယ့် အမြင်တွေ ၊ ခံစားချက်တွေ ၊ ခံယူချက်တွေ စသဖြင့် ကွဲပြားသွားတာမို့ ဒီလူတွေရဲ့ ဘဝအဓိပ္ပါယ်ဖွင့်ဆိုချက်တွေ ကွဲပြားသွားတာပါ။

ကျွန်မအတွက်တော့ ရှင်သန်ခြင်းဆိုတဲ့အဓိပ္ပါယ်ဟာ ရှင်းပါတယ်။ ဝင်လေ ၊ ထွက်လေရှိနေတာ ၊ နှလုံးကလေးခုန်နေတာ ၊ သွေးကြောကလေးတွေ လှုပ်ခုန်နေတာဟာ ရှင်သန်ခြင်းတခုပါပဲ။ ဘာတွေဘယ်လိုဖြစ်ဖြစ် ၊ ဘယ်အခြေအနေကိုပဲရောက်ရောက် ဒီဟာတွေခံစားနေရသမျှ လူတွေဟာ ရှင်သန်နေဦးမှာပဲ။ ရှင်သန်ခြင်းဆိုတဲ့အဓိပ္ပါယ်ဟာ ပကာသနတွေ ၊ ခံစားမှုတွေ ၊ ခံယူချက်တွေနဲ့ ဖုံးလွှမ်းထားတာမျိုးမဟုတ်ရင် သိပ်ကိုရိုးရှင်းပါတယ်။

ဒီလို ဝင်လေ ၊ ထွက်လေရှိနေတာ ၊ နှလုံးကလေးခုန်နေတာ ၊ သွေးကြောကလေးတွေ လှုပ်ခုန်နေတာကို လူတွေက သတိမထားမိလို့ အာရုံမစိုက်မိလို့ ရှင်သန်မှုဆိုတာကို ပကာသနတွေ ၊ ခံစားမှုတွေ ၊ ခံယူချက်တွေ ၊ တခြား အတွေးအမြင်တွေနဲ့ ဖုံးလွှမ်းသွားခဲ့တာပါ။

တခါတလေ ဘဝဆိုတဲ့အဓိပ္ပါယ် ၊ ရှင်သန်ခြင်းဆိုတဲ့အဓိပ္ပါယ်ကို ငွေကုန်ကြေးကျ အများကြီး အကုန်အကျခံ ၊ အချိန်တွေအကုန်ခံပြီး တခုတ်တရ လိုက်ရှာနေတဲ့သူတွေလည်းရှိတယ်။ ဒါဟာ ကိုယ့်ကိုယ်ထဲမှာ ဖြစ်နေတာကို ကိုယ်တိုင် သတိမထားမိတဲ့အတွက် အပြင်မှာ လိုက်ရှာနေရတာပါ။ တကယ်ဆို မသိစိတ်ကလေး ဖုံးလွှမ်းနေလို့ပါပဲ။

ဝင်လေ ၊ ထွက်လေ ရပ်တန့်သွားမယ်ဆိုရင် ၊ နှလုံးခုန်တာအတော်ကြာ ရပ်တန့်သွားမယ်ဆိုရင် ၊ သွေကြောကလေးတွေဟာ လှုပ်ခုန်မှုမျိုးမရှိဘဲ ငြိမ်သက်သွားခဲ့မယ်ဆိုရင် ရှင်သန်ခြင်းဟာ ရှိပါဦးမလား ။ ဘဝဆိုတာ ရှိပါဦးမလား။ ဘဝဆုံးသွားပြီလေ။ အများအပြောအရဆို သေဆုံးသွားခဲ့ပြီပေါ့။

ဒါကြောင့်မို့လို့လည်း ဘဝဆိုတဲ့အဓိပ္ပါယ်ကို ရှင်သန်ခြင်းလို့ ကျွန်မကအဓိပ္ပါယ်ဖွင့်ခဲ့ပြီး ရှင်သန်ခြင်းဆိုတာကတော့ ကိုယ်တွင်းဖြစ်ပျက်ပြောင်းလဲနေတာတွေကြောင့်ပါ။ ကျွန်မတို့ သတိထားမိသည်ဖြစ်စေ ၊ သတိမထားမိသည်ဖြစ်စေ ရှင်သန်နေသမျှကာလပတ်လုံး ဒီဟာတွေက သူ့နည်းသူ့ဟန်နဲ့ ဖြစ်ပျက်ပြောင်းလဲနေပါတယ်။ အသိစိတ်ကလေးကပ်ထားမယ်ဆိုရင် ဒါကို သတိထားမိမယ်။ အသိစိတ်မကပ်ထားနိုင်ရင် သတိမထားမိဘူး။

တကယ်ဆို ရုပ်နဲ့နာမ် နှစ်မျိုးတည်းရှိတာပါ။ ဆင်းရဲပါစေ ၊ ချမ်းသာပါစေ ၊ ကျော်ကြားပါစေ ၊ နုံချာပါစေ ဒီရုပ်ကြီးပါပဲ။ ဒီခန္ဓာကြီးပါပဲ။ ဘာတွေဘယ်လိုပဲ အပေါ်က အထပ်ထပ် တန်ဆာဆင်ထားပါစေ။ ဒီရုပ်ကြီးပါပဲ။ ဒီခန္ဓာကြီးပါပဲ။

လူ့ဘဝထဲမှာ ချစ်တာလည်းခံစား ၊ မုန်းတာလည်းခံစား ၊ ပျော်ရွှင်မှုတွေလည်းခံစား ၊ ဝမ်းနည်းမှုတွေလည်းခံစား ၊ ဆန္ဒတွေလည်းအများသားနော်။ ဒီလိုခံစားနေတာတွေ ၊ ဆန္ဒတွေကို သိနေတာက နာမ်လေ။ နာမ်ဆိုတာ အသိစိတ်ကလေးကိုဆိုလိုတာပါ။

အသိစိတ်ကလေးဆိုလို့ ဦးနှောက်လားလို့ မထင်လိုက်နဲ့ဦး။ ဦးနှောက်ဆိုတာ ရုပ်ခန္ဓာရဲ့အစိတ်အပိုင်း။ အသိစိတ်ကလေးဆိုတာ ဖမ်းဆုပ်ထုတ်ပြလို့မရတဲ့ နာမ်အစိတ်အပိုင်းပါ။ ဘာလိုချင်ချင် ၊ ဘယ်စိတ်ရောက်ရောက် ၊ ဘာဖြစ်ဖြစ် သိနေတာဟာ နာမ်ပါ။ ဒါဆိုရင် ရုပ်နဲ့နာမ် ကွဲပြားသွားပြီပေါ့နော်။

တကယ်တရားအားထုတ်တဲ့သူဆိုတာ ဖြစ်နေတာတွေကို ရုပ်သဘောတရား ၊ သိနေတာတွေကို နာမ်သဘောတရားလို့ မြင်အောင်ကြည့်ရုံပါ။ နောက်ဆုံးမှာ ဖြစ်နေတာနဲ့သိနေတာ ၊ ရုပ်နဲ့နာမ် နှစ်မျိုးတည်းရှိပါလားလို့ သေချာစွာ ကွဲကွဲပြားပြားသိလာတဲ့တနေ့ကျရင် တရားကိုသိလာပြီပေါ့။

သြကာသ (Burmesehearts.com)