ဖြစ်ပျက်သဘောက ကိုယ်စားပြုနေသောအရာများ

ရပ်ပြီးတရားမှတ်ချင်ပေမယ့် မှတ်လို့မရဘဲ ကိုယ်ကြီးယိုင်ယိုင်နေတော့ လမ်းလျှောက်ရင်းမှတ်မယ်ဆိုပြီး ခပ်ဖြေးဖြေးလှမ်းရင်း မှတ်နေကျအတိုင်း မှတ်ပါတယ်။ အဲဒီအခါမှာ သံသရာစက်ဝန်းကြီးလည်နေတာကို ပိုထင်ထင်ရှားရှား မြင်လာပြီး တပတ်ပြီးတပတ်လည်နေသလိုဖြစ်နေတဲ့ ဘယ်ခြေလှမ်း ၊ ညာခြေလှမ်းတွေဟာ ဖြစ်ပြီးပျက်သွားတဲ့အရာတွေပါလားလို့ တွေ့မြင်လာတယ်။

လှမ်းနေတုန်းသာ ဖြစ်နေတယ်လို့ပြောနိုင်တာ ၊ တလှမ်းဆုံးသွားရင်ပျက်သွားပြီပေါ့။ ဒီလိုဖြစ်ပျက်သဘောတရားကို မြင်လာတဲ့အခါမှာ တဘဝပြီးတဘဝ ဖြစ်ပျက်သွားတဲ့ သံသရာဆိုတာကိုလည်း မြင်လာတယ်။ အခုဘဝဖြစ်နေလို့သာ ဒီဘဝကြီးမှာ လိုက်ပါခံစားနေတာ ၊ ဒီဘဝဆုံးသွားပြီဆိုတာနဲ့ ပျက်သွားပြီလေ။ အဲဒီမှာ အနိစ္စဆိုတဲ့ မမြဲတဲ့သဘောတရားကို စတင် သိမြင်လာခဲ့တာပါ။

ဒီဖြစ်ပျက်သဘောတရားကို ခြေလှမ်းစချိန်မှာ မြင်လာတော့ ဖြစ်နေတာကို ရပ်တန့်ထားလို့ရမလားဆိုတဲ့ စမ်းသပ်ချင်စိတ်ကလေး ဝင်လာပြန်တယ်။ ဒီတော့ လှမ်းလက်စခြေလှမ်းကို အဆုံးမသတ်ဘဲ လေထဲမှာ မြှောက်လျက်ထားပြီး မှတ်ကြည့်မိတယ်။ ကိုယ်ကြီးဟာ ယိုင်ပြီးမြှောက်ထားတဲ့ခြေလှမ်းက မြေပေါ်ကျသွားခဲ့တာကို သိလိုက်ရတယ်။

အဲဒီမှာ ကိုယ်မချချင်တဲ့ခြေလှမ်းဟာ ကိုယ်လိုချင်တိုင်း လုပ်ယူလို့မရဘူး ကျချိန်တန် ကျသွားတာပဲ ၊ ဖြစ်ချိန်တန် ဖြစ်သွားတာပဲဆိုတဲ့ အနတ္တ သဘောတရားကိုပါ သိမြင်လာတယ်။ ခြေလှမ်းရပ်လို့ တရားမှတ်လို့လည်းမရ ၊ လှမ်းလက်စခြေလှမ်းကို မချဘဲ မှတ်လို့လည်းမရတော့ ခြေလှမ်းကိုဆက်လှမ်းရင်း တရားမှတ်ရတော့တယ်။ ကိုယ်မလုပ်ချင်လည်း လုပ်နေရတဲ့ ဒုက္ခဆိုတဲ့ သဘောတရားကိုပါ သိမြင်လာခဲ့တယ်။ အဲဒီမှာ အနိစ္စ ၊ ဒုက္ခ ၊ အနတ္တ သဘောတရားဟာ ရှင်းသွားခဲ့ပါပြီ။ တရားဆိုတာ သတိကလေး ၊ ဥာဏ်ကလေးကပ်ပြီး ကြည့်မယ်ဆိုရင် အစကလေးပေါ်လာတာနဲ့ ချည်လုံးကချည်စဆွဲဖြည်ထုတ်လိုက်သလို အကုန်ပြေပြီး ပေါ်လာတဲ့သဘောရှိပါတယ်။

ပိုရှင်းအောင် ပြန်ပြောရမယ်ဆိုရင် ကိုယ်ဖြစ်ချင်တိုင်း ဖြစ်ခွင့်မရတာ ၊ လုပ်ချင်တိုင်း လုပ်ခွင့်မရတာဟာ အနတ္တ ၊ မလုပ်ချင်ဘဲ လုပ်နေရတာ ၊ မရချင်ဘဲရနေတာတွေဟာ ဒုက္ခ ၊ လိုချင်တဲ့အရာပဲဖြစ်ဖြစ် ၊ မလိုချင်တဲ့အရာပဲဖြစ်ဖြစ် ၊ ဖြစ်ချင်ချင် ၊ မဖြစ်ချင်ချင် ဖြစ်သွားတဲ့ အရာအားလုံးရဲ့ အဆုံးဟာ တနည်းတဖုံ ပျက်စီးသွားရခြင်းပဲ။ ဒါဟာ အနိစ္စပါ။

လူတိုင်းသိနေတဲ့ ဝင်ငွေနဲ့ အနိစ္စ ၊ ဒုက္ခ ၊ အနတ္တ ခွဲခြားပြရမယ်ဆိုရင် ကိုယ်လိုချင်သလောက် ဝင်ငွေတွေ မရနိုင်တာဟာ အနတ္တ ၊ လက်ထဲရှိနေတဲ့ တန်ဖိုးကြီးပစ္စည်း၊ ရာထူး ၊ အာဏာနဲ့ ပိုင်ဆိုင်မှုတွေ ပျက်စီးဆုံးရှုံးသွားမှာ ၊ သူများလုယူသွားမှာ ၊ ကျော်သွားမှာတွေကို တွေးပူနေရပြီဆိုရင် ဒါဟာ ဒုက္ခပါ ၊ ဘယ်လိုအကြောင်းနဲ့ပဲဝင်လာလာ နောက်ဝင်ငွေကြောင့် နောက်တိုးတာတွေ ထည့်မပေါင်းရင် ရှေ့ကဝင်ခဲ့တဲ့ငွေဟာ သုံးစရာရှိတာတွေသုံးရင် ပါးသွား ၊ ကုန်သွားတာပဲ အဲဒါဟာ အနိစ္စမဟုတ်လား။ ဘယ်လောက်ချမ်းသာကြီးပွားနေပါစေ ၊ အာဏာကြီးနေပါစေ ၊ လှပပါစေ ၊ ကျော်ကြားပါစေ အဲဒီအရာက ကိုယ့်စွန့်မသွားရင် အဲဒီအရာကို တနေ့တချိန်မှာ ကိုယ်က စွန့်ခွါသွားရမှာပါ။ ဒါဟာ အနိစ္စဆိုတဲ့ မမြဲခြင်း သဘောပဲလေ။

အချစ်နဲ့ပြောရမယ်ဆို ဘယ်လိုအချစ်ပဲဖြစ်ဖြစ် ချစ်တဲ့သူအတွက် ပူလောင်ရတယ်။ သားသမီးအတွက် မိဘက ပူလောင်ရသလို ၊ ကိုယ်ချစ်တဲ့သူအတွက် ချစ်မိသူတွေက ပူလောင်ရတယ်။ အဲဒါတွေဟာ ဒုက္ခပါ။ ကိုယ်ကချစ်လွန်းလို့ ဒါကိုဖြစ်စေချင်ပေမယ့် သူဟာကိုယ်မဟုတ်တဲ့အတွက် ကိုယ့်ဆန္ဒအတိုင်း တသွေမတိမ်း လိုက်မလုပ်နိုင်တာဟာ အနတ္တသဘောလေ။ တချိန်ချိန်မှာ သူကကိုယ့်ကိုခွဲရင်ခွဲ ဒါမှမဟုတ် ကိုယ်ကသူ့ကိုခွဲရင်ခွဲ ရှင်ခြင်း ၊ သေခြင်း နှစ်မျိုးနဲ့ ကွဲကွာသွားရတာက အနိစ္စသဘောပါ။

ငါဆိုတဲ့ ကိုယ်ကြီးကို လေ့လာမယ်ဆိုရင် မွေးကင်းစအရွယ်က ကိုယ့်ပုံနဲ့ အခု စာဖတ်နေတဲ့ပုံ တူသေးရဲ့လား။ ဘယ်တူတော့မလဲ အသက်ကြီးလာပြီလေ။ အဲဒီလို ဆယ်စုနှစ်တွေအကြာမှာ ပုံစံမတူတော့ဘူးဆိုရင် နောင်ဆယ်စုနှစ်တွေအကြာမှာ ဖြစ်လာမယ့်ကိုယ့်ပုံနဲ့ အခု စာဖတ်ချိန်မြင်တွေ့နေရတဲ့ကိုယ့်ပုံလည်း မတူနိုင်တော့ပါဘူး။ အိုလာမှာပဲ။ အိုရင်နာလာမှာပါပဲ။ မအိုဘဲနာနေတဲ့သူတွေ တွေ့ချင်ရင် ဆေးရုံ ၊ ဆေးခန်းတွေမှာ သွားကြည့်နိုင်ပါတယ်။

မအိုချင်ဘဲအိုရတာ ၊ မနာချင်ဘဲနာရတာ ၊ မသေချင်ဘဲသေရတာဟာ ကိုယ်ဖြစ်ချင်တဲ့အတိုင်းမဖြစ်လို့ အနတ္တသဘောပါ။ ဒါတွေကို မခံစားချင်ဘဲ ခံစားနေရတာက ဒုက္ခသဘောပေါ့။ တချိန်မှာ မလွဲမသေ သေကြရမှာပဲ။ ဒါဟာ အနိစ္စသဘောပေါ့။

အနိစ္စ ၊ ဒုက္ခ ၊ အနတ္တဆိုတာ ကျွန်မငယ်ငယ်ကတည်းက ကြားဖူးခဲ့တာပါ။ ဖြစ်ပြီးပျက်တယ်ဆိုတာလည်း ကြားဖူးတာပဲ။ ကံ ကံ၏အကျိုးဆိုတာလည်း ကြားဖူးတာပဲ။ ကြားဖူးတာနဲ့ လက်တွေ့ကျင့်လို့ တရားသဘောကို ကိုယ်တွေ့သိမြင်လာတာဟာ အများကြီး ကွာခြားပါတယ်။ အမှန်တရားကတော့ မကွာခြားပါဘူး။ လေးနက်မှုက ကွာခြားတာပါ။ ကိုယ်တိုင်လက်တွေ့ကျင့်ကြံပြီး သဘောပေါက်နားလည်လာတော့ စိတ်ထဲလုံးဝရှင်းလင်းသွားပါတယ်။

စာတွေ့နဲ့လက်တွေ့ ဘာကွာခြားသလဲဆိုတော့ စာတွေ့ဟာ လက်တွေ့လောက် နားလည်ကျွမ်းကျင်မှုမရှိတာပါ။ အသိပဲရှိသေးတယ် ၊ အကျင့်မရှိသေးတော့ ဘယ်လိုကျင့်ရမှန်းမသိဘူးပေါ့။ အသိမှာမိုးပျံတတ်ပြီး တကယ်လုပ်တော့ဆိုရင် ဘယ်ကစရမှန်းမသိဘူးဖြစ်တတ်တယ်။ တကယ်ကျင့်တဲ့သူကျတော့ ကျင့်ရင်းကျွမ်းကျင်လာတဲ့အတွက် အသိမှာ မြင်တာနဲ့ အလွယ်တကူ ခွဲခြားစိတ်ဖြာမှုလုပ်နိုင်တယ်။

တကယ်ဆို အနိစ္စ ၊ ဒုက္ခ ၊ အနတ္တအားလုံးဟာ ကျွန်မတို့ပတ်ဝန်းကျင်မှာ နေ့စဉ်ဖြစ်ပျက်နေပါတယ်။ ဒါကို သတိထားကြည့်နိုင် ၊ သိနိုင်တဲ့ ဥာဏ်ကလေးမပေါ်သေးလို့ မသိနိုင်ကြသေးတာပါ။ တရားဆိုတာသိသွားရင် ကိုယ်ပေါ်မှာလည်းရှိတယ် ၊ ကိုယ်ထဲမှာလည်းရှိတယ် ၊ ပတ်ဝန်းကျင်မှာလည်းရှိတယ် ၊ နေရာတိုင်းမှာ အရာတိုင်းဟာ ဖြစ်ပျက်နေတယ်ဆိုတာ သိလာပါတယ်။

သြကာသ (Burmesehearts.com)