class="post-thumbnail open-lightbox" href>
ဆေးရုံပေါ်ရှိ မိခင်နှင့်ကလေးအတွက် အကြံပေးချက်
ကလေးမီးဖွားပြီးပါက အားအင်ကုန်ခမ်းသွားတဲ့ မိခင် ကောင်းမွန်စွာ အနားယူသင့်သည်။ ထို့ကြောင့် လူမှုရေးအရ ဆေးရုံမှာ ကလေး နှင့် မိခင်အား သွားရောက်ကြည့်ရှုသင့်တိုင် ကလေးမွေးပြီးစမိခင်ဟာ ကောင်းကောင်း အနားယူသင့်ကြောင်း သိထားသင့်သည်။
ယင်းသို့သိထားတဲ့အခါ မိခင်အနား ကြာရှည်စွာ စကားပြော သတင်းမေးခြင်းတွေ မလုပ်ဖြစ်တော့ဘဲ မိခင် ကောင်းကောင်း အနားယူဖို့ အချိန်ရလာမည်ဖြစ်သည်။ ဧည့်သည်များလေ မိခင်ပင်ပန်းလေဆိုတာတော့ သတိချပ်သင့်သည်။ အိမ်မှာ ကောင်းကောင်း အနားယူနိုင်ဖို့ မသေချာတဲ့ မိခင်များက အားမွေးသည့်အနေဖြင့် ဆေးရုံပေါ်တွင် ကောင်းကောင်း အနားယူသင့်သည်။
မိခင်များအနေနဲ့ ဆရာဝန် ၊ သူနာပြုတွေဟာ မိမိရဲ့ အနီးဝန်းကျင်မှာ ရှိနေတာမို့ မိမိမသိတာ ၊ သေချာနားမလည်တာ ၊ ထွေပြားနေတဲ့ မိခင်နှင့် မွေးကင်းစကလေးနဲ့ ပတ်သက်သော အကြောင်းအရာများ ၊ မွေးကင်းစကလေး နို့တိုက်ကျွေးပုံနဲ့ ပြုစုစောင့်ရှောက်ပုံ မိမိခံစားနေရသော ထူးခြားသည့် နေမထိထိုင်မသာ ဖြစ်မှုများအား ဆေးရုံကမဆင်းခင် အရှင်း မေးမြန်းထားသင့်သည်။
သို့မဟုတ်ပါက မွေးကင်းစကလေးနှင့်မို့ သူများညွှန်းဆိုသောဆေး နှင့် အရာများ(သူများအတွက်ကောင်းပေမယ့် မိမိကျန်းမာရေးအခံဖြင့် သင့်ချင်မှသင့်မည်) ၊ မိမိကောင်းမယ်ထင်တဲ့ဆေးများ သုံးစွဲသောက်သုံးဖို့ မသင့်သည်မို့ သုံးပြီးမှားယွင်းပါမှ နောက်တစ်ကြိမ် ဆရာဝန်နှင့် လာရောက်မေးမြန်း ပြသနေရဦးမည်။
ကလေးမွေးပြီးစမိခင်ဟာ ရက်သတ္တပတ် အနည်းငယ်ကြာ ရာသီသွေးလာသလို မိန်းမကိုယ်က သွေးဆင်းနေမှာပါ။ ကလေးမီးဖွားပြီးစ မိခင်များဟာ (မိန်းမကိုယ်ခွဲမွေးရသည့်နေရာ နာကျင်သည်မှလွဲ၍) အပေါ့သွားရ ခက်ခဲနေခြင်းမျိုး ၊ ဆီးသွားစဉ် နာကျင်ခြင်းမျိုးဖြစ်ရင်တော့ ဆရာဝန်နဲ့ ချက်ချင်းတိုင်ပင်ဆွေးနွေးပါ။
ကလေးမွေးဖွားပြီးပါက မိခင်ကို မိခင်များအဆောင်တွင်ထား၍ ကလေးကိုတော့ ကလေးအဆောင်မှာ သီးသန့် ခွဲထားပါတယ်။ သို့ပေမယ့် နှစ်နာရီခြားတစ်ခါတော့ ကလေးအား မိခင်ထံလာပေး၍ နို့တိုက်စေသည်။
မွေးကင်းစကလေးရဲ့ အစာအိမ်နဲ့ အူတို့ဟာ နုငယ် သေးသိမ်လွန်းကာ အစာဖြစ်တဲ့ နို့ကို များများချေဖျက် မသိမ်းဆည်းနိုင်တဲ့အတွက် ခဏခဏ(နှစ်နာရီခြားတစ်ခါ) ၎င်းဆာလျှင်ဆာသလို နို့ချို တိုက်ကျွေးပေးရကြောင်း သိရသည်။
မွေးကင်းစကလေးငယ်ဟာလည်း ဆေးရုံပေါ်မယ် အနားယူနေရတာ သက်သက်တော့ မဟုတ်ပါဘူး ။ ဆေးဝန်ထမ်းတွေက မွေးကင်းစကလေးကို ကိုယ်အလေးချိန် ၊ အရပ် ၊ နှလုံးခုန်နှုန်း ၊ ကိုယ်အပူချိန်တွေကို တိုင်းတာမှတ်သားပြီး Vitamin K ထိုးပေးပါတယ်။
နောက်(၂၄)နာရီအတွင်း ကလေးကို နားအကြားအာရုံ စမ်းသပ်စစ်ဆေးပြီး Hepatitis B ပထမအကြိမ် ပေးကာ BCG ကိုလည်း ထိုးပေးပါတယ်။
ဒါဟာ သာမာန်ကလေးတစ်ဦးကို ပြုလုပ်ပေးသော သမရိုးကျ လုပ်ထုံးလုပ်စဉ်တစ်ခုပါ။ ကလေးရဲ့ ကျန်းမာရေးအပေါ် မူတည်၍ ထပ်မံလိုအပ်သော ဝန်ဆောင်မှုများကိုလည်း ဆေးရုံက မဆင်းခင် ပြုလုပ်ပေးပါတယ်။
ဓမ္မတာအတိုင်း ရိုးရိုး သမရိုးကျ မွေးဖွားသူများအနေနဲ့ ကလေးမီးဖွားပြီး တစ်ရက်မှ သုံးရက်အတွင်း ဆေးရုံမှ ဆင်းခွင့်ပေးကာ ခွဲမွေးသူများကိုမူ မီးဖွားပြီး သုံးရက်မှ ငါးရက်အတွင်း ကျန်းမာရေးကောင်းပါက ဆေးရုံမှ ဆင်းခွင့်ပေးကြောင်း သိရသည်။
ရတု (Burmesehearts.com)