မိသားစုဦးရေ ကန့်သတ်ခြင်းသည် ကလေးဖျက်ချခိုင်းခြင်းမဟုတ်

မိမိ မကျွေးမွေး မစောင့်ရှောက်နိုင်သောကြောင့် တနည်း ဤကိုယ်ဝန်ကိုလွယ်၍ ကလေးယူရန် မဖြစ်သောကြောင့် ရလာသည့်ကိုယ်ဝန်အား ဖျက်ချခြင်းသည် နည်းမှန်လမ်းမှန်မဟုတ်ပေ။

အသက်ဝင် လူဖြစ်လာမည့်ကလေးဆိုတာ သိရက်နှင့်ဖျက်ချခြင်းသည် မည်သည့်အကြောင်းပြချက်နှင့် အပြစ်မရှိဘူးဆိုဆို ဘာသာရေးအရသော်လည်းကောင်း ၊ ကျန်းမာရေးအရသော်လည်းကောင်း ၊ လူမှုရေးအရသော်လည်းကောင်း မပြုထိုက်သော အရာဖြစ်သည်။

ဆေးပညာရှင်များ၏ လေ့လာတွေ့ရှိချက်အရ ကလေးဖျက်ချဖန် များလာသောအခါ နောင်ရလာသည့် ကိုယ်ဝန်များသည် သူ့အလိုလို ပျက်တတ်သည်။ သူ့အလိုလို ခဏခဏ ပျက်တတ်ပါက နောင်ကိုယ်ဝန်များသည် လရင့်လာသည်ထားဦး ကိုယ်ဝန်မှာ မမြဲဘဲ လျှောလိုကလျှော ၊ မလျှောက အချိန်မကျမီ ကလေးမွေးဖွားလာတတ်သည်။

ကလေးမဖျက်ချင်သောကြောင့် ကလေးမလိုချင်သေးသော အိမ်ထောင်ရှင်များ အိမ်ထောင်မှုမပြုရဘူးလား ။ ကလေးမလိုချင်သေးသော အိမ်ထောင်ရှင်များ ကလေးမရနိုင်သော နည်းလမ်းများဖြင့် အိမ်ထောင်မှုပြုနိုင်ကြသည်။

ကလေး သို့မဟုတ် ကိုယ်ဝန်ရနိုင်သည့် အဓိကအချက်ဖြစ်သည့် အမျိုးသမီး၏ မမျိုးဥနှင့် အမျိုးသား၏ သုတ်ကောင်တို့ မတွေ့လျှင် ကလေးရစရာ အကြောင်းမရှိပေ။

မမျိုးဥနဲ့သုတ်ကောင်မတွေ့အောင် သန္ဓေတားသင့်တားမယ် ၊ ရာဘာသုံးသင့်သုံးမယ် ၊ ကလေးမလိုချင်သေးရင် ကလေးမရအောင် တားရမှာဖြစ်ပါတယ်။

ကလေးဖျက်ထုတ်တယ်ဆိုတာ ကလေးတစ်ယောက်ရဲ့အသက်ပဲ ဆုံးရှုံးသွားမှာမဟုတ်ပါဘူး။ အခန့်မသင့်ရင် ကိုယ်ဝန်လွယ်ထားတဲ့ မိခင်လောင်းအသက်လည်း ဆုံးရှုံးသွားနိုင်ပါတယ်။ လက်သည်မနိုင် ၊ ဘယ်သူမှမနိုင်ဖြစ်ချိန်မှာ ဒီအမှားလေးတခုအတွက် ဘဝတခုလုံး ပေးဆပ်သွားရလိမ့်မယ်။

ကာကွယ်ခြင်းဟာ ကုသခြင်းထက် ပိုကောင်းမွန်ပါတယ်။ ကလေးမလိုချင်ရင် ကလေးမရအောင် ကာကွယ်ထားတာဟာ ကလေးရပြီးမှ မလိုချင်လို့ ဖျက်ထုတ်တာထက် ပိုအဆင်ပြေပါတယ်။ မီးလောင်မှထငြိမ်းမယ်ဆို အခန့်မသင့်ရင် ကိုယ့်ပိုင်ဆိုင်မှုအပြင် တခြားသူတွေလည်းအပူရိုက်ခတ်လို့ ဆုံးရှုံးမှုတွေကြုံရနိုင်ပါတယ်။ မီးဆိုတာမျိုးက မလောင်ခင်ကတည်းက သတိရှိရှိ ကြိုတင်ကာကွယ်ထားရမှာပါ။

သားသမီးဆိုတာလည်း သူတို့တာဝန်ယူဖို့ အဆင်သင့်မဖြစ်သေးရင် ကြိုတားပါ။ ကိုယ်ဝန်မရအောင် ကြိုကာကွယ်ပါ။ ကလေးမလိုချင်သေးရင် ၊ ကလေးကိုယ်ဝန်ဆောင်ဖို့မဖြစ်သေးရင် ၊ ကလေးကို လူ့လောကထဲဆွဲသွင်းလာဖို့ အဆင်သင့်မဖြစ်သေးရင် ကလေးမရအောင် နည်းအသွယ်သွယ်နဲ့ကာကွယ်ပါ။