ပျို့၍ အော့အန်ခြင်းဆိုတာ ဘယ်လိုမျိုးလဲ?

0

ပျို့၍ အော့အန်ခြင်းသည် ကိုယ်ဝန်ဆောင် အမျိုးသမီးတိုင်း ဖြစ်ပွားသည်ဟု ထင်လျှင်မှားပေမည်။ အချို့သည် ကိုယ်ဝန်ဆောင်နေစဉ် ပျို့၍ အော့အန်တတ်ပေမယ့် အချို့မှာမူ ကလေးမွေးဖွားချိန်အထိ လုံးဝမပျို့အန်ဖူးတာလည်း ကြုံဖူးသည်။ အချို့သော သူများမှာမူ ပထမကိုယ်ဝန်တွင်သာ ထိုသို့ဖြစ်တတ်၍ နောက်ပိုင်းကိုယ်ဝန်များတွင် လုံးဝပျောက်သွားသည်လည်း ရှိ၏ ။ထိုသို့ ပျို့အန်ခြင်းသည် ကိုယ်ဝန်ဆောင်ကာလ ပထမ နှစ်လ ၊ သုံးလတွင် ဖြစ်ပွားတတ်ပြီး သုံး လေးလ ကျော်သည်အထိ ပျို့အန်ခြင်းမပျောက်ဘဲ ကိုယ်ဝန်ဆောင်ကာလ တလျှောက်လုံး ဖြစ်နေပါက မူမှန်ကိုယ်ဝန်ဆောင်ခြင်းမဟုတ်ဘဲ ကိုယ်ဝန်ဆောင်အအန်လွန်ခြင်းဟု  ခေါ်သော  ရောဂါဖြစ်ပွားတတ်ကြောင်းလည်း သိရသည်။

ကိုယ်ဝန်ဆောင်စဉ် အော့အန်ခြင်းများသည် များသောအားဖြင့် အိပ်ယာထ မနက်အိပ်ယာထ သို့မဟုတ် မနက်စာ စားပြီးစတွင် ဖြစ်ပွားတတ်ကြောင်းလည်း သိရသည်။

ထိုသို့အော့အန်ခြင်းမှာ ကလေးနှင့် ကိုယ်ဝန်ဆောင်မိခင် ကျန်းမာရေးအတွက် စိုးရိမ်စရာမရှိပေ။ ပုံမှန်ထက်ပို၍ ပျို့အန်နေသည်ဟု မိမိကိုယ်ထင်ပါက ဆရာဝန်နှင့် ပြသတိုင်ပင် ဆွေးနွေးသင့်သည်။

You might also like