တာဝန်ယူတဲ့သူနဲ့ တာဝန်မယူတဲ့သူ
လောကမှာ လူအမျိုးမျိုး စိတ်အထွေထွေလို့ ပြောစမှတ်ရှိသလို ပုရိသအမျိုးသားတွေကိုလည်း အမျိုးမျိုး ခွဲခြားသတ်မှတ်ကြမှာပါ။ ကျွန်မအတွက်ကတော့ ယောက်ျားနှစ်မျိုးပဲရှိတယ်။ တာဝန်ယူတတ်တဲ့ယောက်ျားနဲ့ တာဝန်မယူတတ်တဲ့ယောက်ျားရယ်လို့ပဲ ခွဲခြားသတ်မှတ်လိုက်ပါတယ်။ ဒီအကြောင်းအရာကို မပြောခင် ချစ်ခြင်းမေတ္တာနဲ့ပတ်သက်တဲ့ အမျိုးသားနှစ်ယောက်ရဲ့အကြောင်းကို အရင်ပြောရမှာပါ။
ချစ်ကြိုက်ပြီး အချစ်ခရီးလွန်ခဲ့တဲ့ စုံတွဲတွေထဲမှာ ရရှိလာတဲ့ကိုယ်ဝန်ကို ဘယ်လိုဖြေရှင်းကြမလဲလို့ ကာယကံရှင်နှစ်ဦး ခေါင်းချင်းဆိုင် အဖြေရှာကြတယ်။ ကောင်မလေးအများစုက လက်ထပ်ပြီး လွယ်ထားတဲ့ကိုယ်ဝန်ကို မွေးချင်တယ်။ တချို့အမျိုးသားတွေ(အများစု)က အချိန်မတန်သေးဘူး ဘာ ညာ အကြောင်းအမျိုးမျိုးပြလို့ ဒီကိုယ်ဝန်ကို ဖျက်ဖို့တိုက်တွန်းတယ်။ တချို့ကတော့ ကိုယ်ဝန်ကို တာဝန်ယူလိုစိတ် (မိမိချစ်သူကိုငဲ့ညှာစိတ်)နဲ့ တာဝန်ယူလက်ထပ်လိုက်တယ်။ အဲဒီနှစ်မျိုးသော ဆုံးဖြတ်ချက်တွေအပေါ် သုံးသပ်ရင် တာဝန်ယူတဲ့သူနဲ့ တာဝန်မယူတဲ့သူ ကွဲပြားသွားတာပါပဲ။ အဆိုးဆုံးသောအခြေအနေမှာ ခေါင်းရှောင်သွားတဲ့ အမျိုးသားကြောင့် အမျိုးသမီးဟာ ကိုယ့်တာဝန် ကိုယ့်ဘာသာဖြေရှင်းလိုက်ရတာပါပဲ။
အချိန်မတန်သေးဘူးဆိုတာ အစကတည်းက ကြိုမတွေးခဲ့သင့်ဘူးလား။ မိန်းကလေးအများစုဟာ ဒီလိင်ကိစ္စ ၊ သန္ဓေတားတဲ့ကိစ္စတွေမှာ အပျိုစစ်လေ ဗဟုသုတနည်းလေပါ။ ပြီးတယ်ဆိုတာကို ဘာမှန်းမသိဘဲ ဆက်ဆံပြီးသွားတဲ့ တုံးနန မိန်းကလေးတွေ ဒုနဲ့ဒေးရှိနေကြတယ်လို့ ကျွန်မပြောရင် သိပ်ဒဲ့ကျသွားလေမလား။ သေချာတာကတော့ ဒီကိစ္စမှာ ဗဟုသုတရှိချင်လို့ပဲဖြစ်ဖြစ် ၊ စိတ်ဝင်စားလို့ပဲဖြစ်ဖြစ် ၊ ရှာရှာဖွေဖွေ လေ့လာဖြစ်တဲ့ အမျိုးသမီးတွေကလွဲရင် (အထူးသဖြင့် အပျိုလေးတွေ)ဟာ ရည်းစားဆန္ဒကို လိုက်လျောရင်းနဲ့သာ အတူနေဖြစ်သွားကြတာပါ။ ပြီးတယ်ဆိုတာဘာမှန်းမသိသလို ၊ သုတ်ရည်ဆိုတာလည်း မမြင်ဖူး ၊ အဲဒီသက်ရောက်မှုဟာ ဘယ်လောက်အထိ တာသွားသလဲဆိုတာ နိုက်နှိုက်ချွတ်ချွတ် လေ့လာတဲ့သူရှားတယ်။
မ ဟာ မ သဘာဝရှိတယ် ။ ကျားဟာ ကျားသဘာဝရှိတယ်။ မ သဘာဝကို ကျားကနားလည်နိုင်မှာမဟုတ်သလို ကျား သဘာဝကိုလည်း မ ဟာ နားလည်နိုင်မှာမဟုတ်ဘူး။ ပိုပြီးရှင်းအောင်ပြောရရင် အရွယ်ရောက်လာတဲ့ အမျိုးသမီးသမီးတိုင်း ဓမ္မတာသွေးဆင်းတယ်။ ဘယ်အချိန်မှာသွေးဆင်းလေ့ရှိပြီး ဘယ်နှစ်ရက်ကြာတယ် ၊ ဘယ်လိုခံစားရတယ်ဆိုတာ အမျိုးသားတွေနားလည်ခံစားသိနိုင်မှာမဟုတ်ဘူး။ ဒါဟာ သူ့သဘာဝမဟုတ်လို့ပါ။
ဒီအတိုင်းပဲ အရွယ်ရောက်တဲ့ အမျိုးသားတစ်ဦးဟာ စိတ်ဆန္ဒပြင်းနေချိန် သုတ်ရေကြည်ထွက်ပြီး ဆန္ဒပြီးသွားရင် သုတ်ရည်ထွက်တယ်ဆိုတာကို အမျိုးသားတွေပဲသိတယ်။ ဘယ်အချိန်မှာပြီးခါနီးနဲ့ ဘယ်အချိန်မှာထွက်တယ်ဆိုတာ အမျိုးသားတွေပဲ သိနိုင်တယ်။ ပြီးတော့ ဒီသုတ်ရည်ဟာ အရည်ကြည်ထဲမှာကတည်းက သုတ်ကောင်တွေ ပါဝင်ပြီး မအင်္ဂါထဲ ရောက်သွားရင် မမျိုးဥနဲ့ ပေါင်းစပ်လို့ ကိုယ်ဝန် (ကလေး)ရသွားနိုင်တယ်။ အမျိုးသားစိတ်ဆန္ဒပြီးသွားရင် ထွက်တဲ့သုတ်ထဲမှာ သုတ်ကောင်တွေ ပါဝင်ပြီး မအင်္ဂါထဲ ရောက်သွားရင် မမျိုးဥနဲ့ ပေါင်းစပ်လို့ ကိုယ်ဝန် (ကလေး)ရသွားနိုင်တယ်ဆိုတာကို ဆန္ဒနောက် လိုက်ပါ စပ်ယှက်မိကြတဲ့ အမျိုးသားကော ၊ အမျိုးသမီးကော ဗဟုသုရှိမှု ရာခိုင်နှုန်းနည်းကြတယ်။
ဒါ့အပြင် ကျွန်မကို စာရေးမေးမြန်းကြတဲ့ အမျိုးသမီးတွေနဲ့ အမျိုးသားတွေရဲ့ မေးခွန်းတွေကြောင့် သူတို့ဟာ သုတ်အပြင်ထုတ်လွှတ်ရင် ကိုယ်ဝန်မရနိုင်ဘူးလို့ မှတ်ယူနေကြတယ်။ လိင်တံထိပ်ကိုင်ထားတဲ့ လက်ကတဆင့်ပဲဖြစ်ဖြစ် ၊ မဆက်ဆံခင် အင်္ဂါချင်း ထိတွေ့နေတုန်း ၊ ဆက်ဆံနေတုန်းမှာ ဝင်သွားနိုင်တဲ့ သုတ်ကောင်တွေကြောင့် ကိုယ်ဝန်ရနိုင်ချေရှိတာကို သူတို့မသိကြဘူး။
တချို့အမျိုးသားတွေက သိပေမယ့် ရလာလည်း ကိုယ့်တာဝန်မဟုတ်ဘူးလို့ ဖြစ်ချင်တဲ့ကိုယ့်ဆန္ဒရှေ့တန်းတင်ပြီး မကာမကွယ် စပ်ယှက်ကြတယ်။ တချို့အမျိုးသမီးတွေကျတော့ ဗဟုသုတရှိပေမယ့် ကိုယ့်ချစ်သူအပေါ် မလွန်ဆန်ရဲဘူး။ ဟင့်အင်းလို့ အတင်း မငြင်းချင်ဘဲ တခဏတာ လိုက်လျောလိုစိတ် ကြီးစိုးသွားလို့ ဒုက္ခများသွားတာတွေလည်း ရှိတယ်။
ဆန္ဒနောက် အလိုတူအလိုပါ လိုက်ဖြစ်ခဲ့ကြတာလည်း ဒီနှစ်ယောက် ၊ ဖြစ်လာတဲ့နောက်ဆက်တွဲကိုလည်း အတူတကွ ဖြေရှင်းသင့်တာ ဒီနှစ်ယောက်မဟုတ်ဘူးလား။ ဒါလုပ်ရင် ဒါဖြစ်နိုင်တယ်ဆိုတဲ့ အခြေခံ ဗဟုသုတလေးတော့ အမျိုးသားရော ၊ အမျိုးသမီးတွေမှာပါရှိတယ်။ တာဝန်ရှိသူချင်းအတူတူထဲမှာမှ ဒီလိုဆက်ဆံဖို့ အခြေအနေ ဖန်တီးတောင်းဆိုဖြစ်တဲ့ အမျိုးသားတွေမှာ ပိုပြီးတာဝန်ရှိတယ်လို့ ကျွန်မပြောရင် မလွန်ပါဘူးနော်။ ဘာဖြစ်လို့လဲဆို ကြက်မ တွန်လို့ မိုးမလင်းပါဘူး။ အမျိုးသားရဲ့အင်္ဂါသာ မတောင့်တင်းခဲ့ပါရင် ၊ စိတ်နောက်ကိုယ်ပါ မတောင်းဆိုဖြစ်ခဲ့ရင် ၊ ကြိုတင် ကာကာကွယ်ကွယ် ပြုခဲ့မယ်ဆိုရင် သန္ဓေမအောင်နိုင်ဘူးလေ။
ဆက်ဆံနည်းပညာတွေကိုသာ ဆည်းပူးခဲ့ပြီး ကာကွယ်နည်းတွေကို မဆည်းပူးမလေ့လာခဲ့တာ တာဝန်မယူတတ်တဲ့ အမျိုးသားတွေရဲ့ ပထမအမှားပါ။ လူဆိုတာ ကိုယ်မှားရင် ကိုယ်တာဝန်ယူရဲရမှာပေ့ါ။ ကိုယ်က မြင့်မြတ်ပါတယ်ဆိုတဲ့ အမျိုးသားမဟုတ်ဘူးလား။ စိတ်ယုတ်မာမထားသင့်ဘူးလေ။ စိတ်လာလို့ အတူနေဖို့တောင်းဆိုတယ် ၊ မွှန်နေတာပဲသိ ဘာမှမသိခဲ့ပြီးတဲ့နောက် နှစ်ယောက်အတူနေဖြစ်တဲ့ရလဒ် ကိုယ်ဝန်လွယ်ထားရတဲ့ တဖက်မိန်းကလေးကို ငါနဲ့မဆိုင်ဘူး ၊ ငါတာဝန်ယူစရာမလိုဘူးလို့ ခေါင်းရှောင်တာ ယုတ်မာတာပဲပေါ့။ တချို့ကျတော့ အတင်းဖျက်ချခိုင်းတယ်။
မိန်းကလေးဆိုတာ နာဘက်ကပါဆိုတဲ့အဓိပ္ပါယ်ကို ခုခေတ်အမျိုးသမီးလေးတွေ ကောင်းကောင်းသဘောပေါက်စေချင်လိုက်တာ။ ကိုယ့်ချစ်သူကို လိုက်လျောပြီးတဲ့နောက်မှာ သူတာဝန်မယူရင် ကိုယ့်ဗိုက်ထဲကတာဝန် ကိုယ့်ဘာသာယူရလိမ့်မယ်ဆိုတာ ကြိုတွေးထားရင်ကောင်းမယ်။ ဒါကိုကြိုတွေးမိရင် ကြိုပြင်ဆင်ဖြစ်တာပေါ့။ မကာကွယ်ရင် နောင်မှာ ကိုယ်အရင်အရှက်ကွဲမှာ။ တားဆေးတွေသောက် ၊ သုံးပြန်တော့လည်း ကိုယ်တွေမိန်းကလေးတွေပဲ ဒုက္ခခံရတာပါ။ ဘာဒုက္ခလဲဆို အတိုင်းအဆလွန် သုံးခဲ့တဲ့ဆေးတွေကြောင့် ဘေးထွက်ဆိုးကျိုးတွေ ကိုယ်ပဲခံစားရတာလေ။
ဒီခေတ်မှာ ကိစ္စပြီး အမျိုးသားလေးတွေ တာဝန်ယူမှုအများဆုံးက တခါသုံးဆေး မိန်းကလေးကို တိုက်ကျွေးလိုက်တာပါပဲ။ ဒါဟာ ကိုယ့်တာဝန် ကိုယ်ယူလိုက်တယ်လို့ သူတို့ထင်နေတယ်။ အဲဒီဆေးတွေက အလွန့်အလွန် ဖြစ်ခဲတဲ့ မုဒိမ်းမှုတွေမှာ အဓမ္မပြုကျင့်ခံရတဲ့ အမျိုးသမီးကလေး မိအေးနှစ်ခါနာ မဖြစ်ရအောင် (ကိုယ်ဝန်မဖြစ်ပေါ်လာအောင်) ဆေးပညာရှင်တွေက တိုက်ကျွေးတဲ့ဆေးတွေပါ။
သူ့ရဲ့အာနိသင်ဟာ ဟော်မုန်းတွေကို ကပြောင်းကပြန်ဖြစ်သွားအောင်ထိ ပြင်းပါတယ်။ ဒါပေမယ့် သောက်သုံးသူ အမျိုးသမီးလေးဟာ တသက်မှာ တခါလို အဓမ္မပြုကျင့်ခံရတာမျိုးဆိုတော့ ဖြစ်နိုင်ချေရှိတဲ့ သန္ဓေသားကို တားဆီးဖို့ ဟော်မုန်းတွေ ကပြောင်းကပြန် ပြောင်းလဲဖြစ်တာ တသက်မှာတကြိမ်လည်း ဖြစ်နိုင်တာပါ။ ဘေးထွက်ဆိုးကျိုးများတဲ့ ဒီဆေးကိုသောက်သုံးလို့ ရရှိလာမယ့်ဆိုးကျိုးကို တွက်ဆဖို့ထက် မုဒိမ်းကောင်ရဲ့သန္ဓေသားကို မလွယ်ရဖို့ မိန်းကလေးအတွက် ပိုအရေးပါနေတာမို့ ဒီဆေးကို ဆေးပညာရှင်တွေက သုံးလိုက်တာ။ အဆိုးထဲကအကောင်းတွက်ဆလို့ တကြိမ်တခါ သုံးစေတာပါ။
တိုးတက်တဲ့ နိုင်ငံရပ်ခြားမှာ အဲဒီတခါသုံးဆေးဆိုတဲ့ (Emergency Pills)ကို သုံးလိုတဲ့သူတွေဟာ ဆရာဝန်ကို အရင်ဆွေးနွေးပြီး ဆရာဝန်ရဲ့ ခွင့်ပြုချက်ရပါမှ ဆေးဆိုင်မှာ ဝယ်ခွင့်ရတာ ၊ ဆရာဝန်က ဆေးပေးလိုက်တာမျိုးပါ။ မြန်မာနိုင်ငံမှာလို လမ်းထောင့်ဆေးဆိုင်တိုင်းမှာ လိုသလို (လိုသလောက်) ဝယ်လို့မရဘူးဆိုတာ သိစေချင်လိုက်တာ။ ဘာလို့ဒီလိုခက်ခဲအောင် လုပ်ထားတာလဲဆိုရင် အဲဒီဆေးဟာ ဘေးထွက်ဆိုးကျိုး အလွန်များလို့ဖြစ်ပါတယ်။ ဘယ်လောက်ထိ ဘေးထွက်ဆိုးကျိုးများသလဲဆို နို့တိုက်မိခင်ဟာ အဲဒီဆေးသောက်ဖို့လိုအပ်လာရင် ကလေးကို သုံးရက်တိတိ (မဖြစ်နိုင်တဲ့အဆုံး ၂၄နာရီတိတိ) နို့တိုက်ကျွေးမှု မပြုရပါဘူး။
ဘာဖြစ်လို့လဲဆိုရင် ဆေးရဲ့အာနိသင်ဟာ တိုက်ကျွေးတဲ့နို့ရည်ကတဆင့် နုနယ်တဲ့ ကလေးဆီကို ဟော်မုန်းပြောင်းလဲမှုတွေ ဖြစ်ပေါ်စေတဲ့အထိ ပြင်းလို့ပါ။ ဘယ်လောက်အထိ ကလေးဟာ ဆိုးကျိုးဖြစ်နိုင်သလဲဆို ကလေးဟာ မြုံသွားတဲ့အထိ (နို့စို့ချိန်မှာ နို့ထဲဝင်လာတဲ့ အဲဒီဆေးအာနိသင်ကြောင့် အကျိုးဆက်အဖြစ် မြုံသွားလို့ ကြီးလာရင် မျိုးဆက်ပြတ်သွားတဲ့အထိ) ဖြစ်နိုင်လို့ပါ။ ဒါတွေကို သိစေချင်လိုက်တာ။ ဒီတခါသုံး အရေးပေါ်ဆေးကို တွင်တွင်ကျယ်ကျယ်သုံးနေတဲ့ မြန်မာနိုင်ငံမှာ ဒီလောက်ထိ ဘေးထွက်ဆိုးကျိုးများတဲ့ဆေးပါလို့ တွင်တွင်ကျယ်ကျယ် သိစေချင်လိုက်တာ။
ချစ်သူကို အကောင်းဆုံးပေးသင့်တဲ့ ချစ်သက်လက်ဆောင်က ကိုယ်ချင်းနီးစပ်မှုလို့ တွေးခေါ်နေကြတာ ၊ အဲဒီနောက်မှာ မတားခဲ့သူတွေက အရေးပေါ်ဆေးနဲ့ဖြေရှင်းနိုင်သလို ၊ နောင်ဖြစ်မှနောင်ရှင်း နေဖြစ်သွားတဲ့စုံတွဲတွေလည်းရှိတယ်။ ဒါကြောင့်လည်း တာဝန်ယူတတ်တဲ့ အမျိုးသားနဲ့ တာဝန်မယူတတ်တဲ့ အမျိုးသားဆိုပြီး ရေးဖြစ်ခဲ့တာပဲ။
တခါတလေမှာ တာဝန်ယူတတ်တဲ့ အမျိုးသားနဲ့ တာဝန်မယူတတ်တဲ့ အမျိုးသားဆိုတာ ကာလနဲ့ တွဲတဲ့အမျိုးသမီးအပေါ် ကွာခြားလို့ ဒီအမျိုးသားတစ်ဦးတည်းက အခြေအနေနှစ်မျိုးကို ဖန်တီးတတ်ကြတယ်။ အဲဒီအမျိုးသားဟာ အိမ်ထောင့်တာဝန်မထမ်းနိုင်သေးလို့ ၊ ဒါမှမဟုတ် အိမ်ထောင့်တာဝန် မထမ်းချင်သေးလို့ ၊ ဒါမှမဟုတ် တဖက်မိန်းကလေးကို အတည်မရည်ရွယ်ခဲ့ဘဲ အတူနေရုံသဘောထားခဲ့လို့ စသဖြင့်သော အကြောင်းအရာတွေကြောင့် ကိုယ်ဝန်ရတဲ့ အမျိုးသမီးလေးရဲ့တာဝန်ကို မယူဘဲဖျက်ချခိုင်းတာ ၊ ခေါင်းရှောင်တာတွေဖြစ်တတ်တယ်။ အဲဒီအမျိုးသားကပဲ အိမ်ထောင့်တာဝန်ထမ်းနိုင်တဲ့အခါ ၊ တဖက်မိန်းကလေးကို တကယ်ချစ်လို့ပဲဖြစ်ဖြစ် ၊ ငဲ့ညှာစိတ်ဝင်သွားလို့ပဲဖြစ်ဖြစ် ၊ တာဝန်ယူမယ်ဆိုတဲ့စိတ် ကြီးစိုးသွားတဲ့အခါ ပတ်ဝန်းကျင်အပြော ၊ ဘယ်သူတွေဘာထင်ထင် ဂရုမစိုက်တော့ဘဲ ဦးဆောင်တာဝန်ယူ လက်ထပ်ဖြစ်တယ်။
ဒီလိုမတူတဲ့ အခြေအနေ နှစ်မျိုးစလုံးကို ဖန်တီးဖြစ်ခဲ့တဲ့ အမျိုးသားတွေကို တကယ့်လက်တွေ့ ကျွန်မမြင်တွေ့ခဲ့ဖူးတယ်။ တခြားကောင်မလေးတွေနဲ့ အတူနေလိုက် ၊ ဖျက်ချခိုင်းလိုက် ၊ ခေါင်းရှောင်လိုက်လိုက် လုပ်ခဲ့ပေမယ့် သူတို့ကပဲ လက်မထပ်ခင်ရတဲ့ကလေးကို တာဝန်ယူလို့ အိမ်ထောင်ထူထောင်သွားကြတာကိုပါ။ ကိုယ့်ချစ်သူက တာဝန်မယူတတ်တဲ့သူမျိုးဆိုတာ အဲဒီအခြေအနေမျိုးမှ မသိချင်ပါနဲ့ မိန်းကလေးတို့ …. နောက်ကျသွားလိမ့်မယ်။
ရတု (Burmesehearts.com)