Category Archives: မြန်မာ့သတင်း

ဖုန်းတာဝိုင်တိုင်ထောင်ရင်း သံချောင်းပြုတ်ကျသဖြင့် ကုမ္ပဏီဝန်ထမ်းသေဆုံး

FacebookGoogle+LinkedInTwitterPinterestShare

ဒီဇင်ဘာ(၂၇)ရက်နေ့က ဒလမြို့နယ်တွင် ဖုန်းတာဝိုင်တိုင်ထောင်ရင်း သံချောင်းပြုတ်ကျသဖြင့် ကုမ္ပဏီဝန်ထမ်း ကိုနိုင်ကိုလတ် သေဆုံးသွားခဲ့ကြောင်း သိရသည်။

သေဆုံးသူ ကိုနိုင်ကိုလတ်သည် ဆက်သွယ်ရေးကုမ္ပဏီမှ အလုပ်သမားဖြစ်ပြီး ဒလမြို့၊ (၃)ရပ်ကွက်၊ ဘုန်းကြီးကျောင်းဝင်းအတွင်း၌ တယ်လီဖုန်းတာဝါတိုင်ထောင်ရာတွင် အခြား အလုပ်သမားများနှင့်အတူ အရှည်(၁၆)ပေခန့်ရှိ သံဟင်ဂလန်ချောင်းအား ကြိုးနှင့်ဆွဲ၍ တိုင်ထောင်နေခဲ့ကြောင်း သိရသည်။

ယင်းသို့ တိုင်ထောင်စဉ် အလေးချိန်မထိန်းနိုင်ဘဲ သံချောင်းပြုတ်ကျခဲ့ရာ ၎င်းအားထိခိုက်မိခဲ့သဖြင့် ဒဏ်ရာများရရှိပြီး၎င်းတွင် မေးရိုးကျိုး၊ နှာခေါင်းနှင့်နားသွေးထွက်ဒဏ်ရာများဖြင့်
သေဆုံးသွားခဲ့ခြင်း ဖြစ်သည်။

၎င်းသေဆုံးမှုနှင့်ပတ်သက်၍ ဒလမြို့မရဲစခန်းသေမှုသေခင်းအမှတ်စဉ် (၂၅/၂၀၁၄) ဖြင့် ရေးဖွင့် စစ်ဆေးဆောင်ရွက်လျက်ရှိကြောင်း သိရသည်။

ပုံရိပ်(burmesehearts.com)

စကားများစဉ် လက်သီးဖြင့်ထိုးရာမှ လဲကျသေဆုံး

ဒီဇင်ဘာ(၂၇)ရက်နေ့ ညနေအပိုင်းက တောင်ဥက္ကလာပမြို့နယ်တွင် စကားများရန်ဖြစ်ရာမှ လက်သီးဖြင့် အထိုးခံခဲ့ရပြီး လဲကျ၍ ဦးခေါင်းနှင့် ကွန်ကရစ်လမ်းတို့
ဆောင့်မိပြီး အမျိုးသားတစ်ဦး သေဆုံးသွားခဲ့ကြောင်း သိရသည်။

တစ်ရပ်ကွက်တည်းနေ သိန်းစံအောင်၊ (၄၉)နှစ်နှင့် ကိုမျိုးဝင်းညွန့်၊ ကိုစိုးအောင်တို့မှ ကိုဝင်းထူးအား ဆိုက္ကားဖြင့်တင်ဆောင်လာပြီး အရက်မူးလဲသဖြင့် လာရောက် ပို့အပ်ခြင်းဖြစ်ကြောင်း ကိုဝင်းထူး၏အတူနေ အစ်မဖြစ်သူ ဒေါ်လှဝင်းဌေးကို ပြောဆိုပြန်သွားခဲ့သည်ဟု သိရသည်။

အစ်မဖြစ်သူ ဒေါ်လှဝင်းဌေးက ကိုဝင်းထူးအား ကြည့်ရှုရာ ဦးခေါင်းဝဲဘက်တွင် ပေါက်ပြဲသွေးထွက်ဒဏ်ရာ
ရရှိထားသည်ကိုတွေ့ရှိခဲ့ကြောင်း သိရသည်။

ထို့အတွက် ကိုဝင်းထူးအား အစ်မဖြစ်သူက မေးမြန်းရာ တောင်ဥက္ကလာပမြို့နယ်၊ မာဃ
(၁၀)လမ်းရှိ မျိုးဝင်းညွန့်၏ထမင်းဆိုင်ရှေ့တွင် သိန်းစံအောင်နှင့် စကားများစဉ် သိန်းစံအောင်မှ လက်သီးဖြင့်ထိုးခဲ့၍ နောက်လန်လဲကျပြီး ကွန်ကရစ်လမ်းနှင့်
ဆောင့်မိ ခဲ့သဖြင့် ဒဏ်ရာရရှိခဲ့ခြင်းဖြစ်ကြောင်း ဆိုခဲ့သည်။

ကိုဝင်းထူးအား သင်္ဃန်းကျွန်းစံပြဆေးရုံမှတစ်ဆင့် ရန်ကုန်ဆေးရုံ
ကြီးသို့ ပို့ဆောင် ကုသစဉ် ဒီဇင်ဘာ(၂၈)ရက်နေ့ မနက်(၉)နာရီ (၁၅)မိနစ်၌ သေဆုံးသွားခဲ့ကြောင်း သိရသည်။

ကိုဝင်းထူးသေဆုံးမှုအတွက် သိန်းစံအောင်အား တောင်ဥက္ကလာပမြို့မရဲစခန်း (ပ)၅၄၃/၂၀၁၄၊ ပြစ်မှုပုဒ်မ ၃၀၄-က ဖြင့် အမှုဖွင့် အရေးယူကာ ဖမ်းဆီးစစ်ဆေးလျက်ရှိကြောင်း သိရသည်။

ပုံရိပ်(burmesehearts.com)

ဝရိန်ဆော်စဉ် မီးလောင်ခဲ့သဖြင့် အမျိုးသား (၃)ဦးဒဏ်ရာရ

ဒီဇင်ဘာ (၂၈)ရက်နေ့ မနက်(၉)နာရီခန့်က သုံးခွမြို့နယ်၊ မင်းရွာတွင် ၀ရိန်ဆော်စဉ် မီးလောင်မှု
ဖြစ်ပွားခဲ့သဖြင့် အမျိုးသား(၃)ဦး ဒဏ်ရာရရှိခဲ့ကြောင်း သိရသည်။

ဖြစ်စဉ်မှာ အဆိုပါကျေးရွာအနောက်ပိုင်းနေ ကိုအောင်ကိုဦး၏ နေအိမ်ရှေ့တွင် အဖီဆွဲ၍ဖွင့်လှစ်ထားသော သံဂဟေဆိုင်အတွင်း၌ ကိုအောင်ကိုဦးမှ သံချောင်းများအား ဂဟေဆော်နေစဉ် (၁၀)ပေခန့်အကွာတွင် ကူဘိုတာစက်အား ဓါတ်ဆီ(၁-လီတာဗူး)ဖြင့် ပြုပြင်ဆေးကြောနေသော ကိုဇော်မင်းဦးနှင့် ကိုအောင်ထွန်း
တို့ထံသို့ မီးပွားများလွင့်စင်ကျရာမှ ၎င်းတို့(၃)ဦးအား မီးလောင်ခဲ့ခြင်းဖြစ်ကြောင်း သိရသည်။

ထိုသို့မီးလောင်သဖြင့် အနီးရှိရေကန်အတွင်းသို့ ခုန်ဆင်းခဲ့ကြကြောင်း သိရသည်။

မီးလောင်မှုကြောင့် အဆောက်အဦနှင့် ပစ္စည်းများဆုံးရှုံးမှုမရှိသော်လည်း ကိုဇော်မင်းဦးနှင့် ကိုအောင်ကိုဦးတို့တွင် ၀ဲလက်များ၊ ကိုအောင်ထွန်းတွင် ကျောကုန်း၊ ၀ဲ/ယာလက်နှင့် ခြေထောက်များ မီးလောင်ဒဏ်ရာရရှိခဲ့သဖြင့် ရန်ကုန်ဆေးရုံကြီးတွင် အတွင်းလူနာ(မစိုးရိမ်ရ)များအဖြစ် ကုသမှုခံယူခဲ့ရကြောင်း သိရသည်။

ယင်းသို့မီးလောင်မှုဖြစ်ပွားခဲ့သည့်အတွက် ကိုအောင်ကိုဦး၊ (၃၂)နှစ်အား သုံးခွမြို့ရဲစခန်း(ပ) ၄၆၃/၂၀၁၄၊ ပြစ်မှုပုဒ်မ-၂၈၅/၃၃၇ ဖြင့် အမှုဖွင့်အရေးယူ
ဆောင်ရွက်လျက်ရှိကြောင်း သိရသည်။

ပုံရိပ်(burmesehearts.com)

သရုပ်ဆောင် မင်းအုပ်စိုး ရိုက်နှက်မေးမြန်း၍ သေဆုံးခဲ့ရသည့် မိန်းကလေး

သရုပ်ဆောင်မင်းအုပ်စိုးက ၎င်း၏ ညီမဝမ်းကွဲ တော်စပ်သူဟုဆိုသော သရပါမဂ္ဂဇင်း၏ အယ်ဒီတာ မတေးနုရင် (ခေါ်) မနုနုရင်ကို ရည်းစားထားသည့်ကိစ္စ မေးမြန်းရိုက်နှက်ရာမှ သေဆုံးခဲ့ကြောင်း သိရသည်။

စခန်းမှူးကမူ မတေးနုရင်မှာ မင်းအုပ်စိုးနှင့် ညီမတော်စပ်ခြင်းမရှိဘဲ မင်းအုပ်စိုး၏ နေအိမ်တွင် ၆နှစ်ခန့် လာရောက်နေထိုင်ခဲ့သူ ဖြစ်သည်ဟု ဆိုသည်။

မင်းအုပ်စိုးက မတေးနုရင်အား လက်သီးဖြင့်ထိုး၊ ခြေထောက်ဖြင့် ကန်ကြောက်ရိုက်နှက်ခဲ့ခြင်းဖြစ်ပြီး ရင်ဘတ်၊ ကျောနှင့် မျက်နှာတို့တွင် ညိုမဲဒဏ်ရာများရရှိကာ ဒီဇင်ဘာ ၂၅ရက် နံနက် ၂နာရီခွဲတွင် သေဆုံးခဲ့သည်ဟု ဗဟန်းမြို့နယ် ရဲစခန်းမှ စခန်းမှူး က ဆိုသည်။

အသက် ၃၃နှစ်အရွယ် မတေးနုရင် သေဆုံးမှုကြောင့် သရုပ်ဆောင် မင်းအုပ်စိုးကို ဗဟန်းမြို့နယ် ရဲစခန်းက (ပ) ၅၁၉/၂၀၁၄ ပြစ်မှုပုဒ်မ ၃၀၂ဖြင့် အမှုဖွင့်ကာ ဖမ်းဆီးထားသည်။

Source : Mizzima

ပုံရိပ်(burmesehearts.com)

 

ဒဂုံဆိပ်ကမ်း၌ ဓါး၊ လှံ လက်နက်များသိုဝှက်ထားသူ(၂)ဦးအား ဖမ်းဆီးမိ

ဒီဇင်ဘာ(၂၅)ရက်နေ့ မနက်(၁)နာရီခန့်က ဒဂုံမြို့သစ် (ဆိပ်ကမ်း)မြို့နယ်တွင်း၌ လူကိုအန္တရာယ်ဖြစ်စေသော လက်နက်ဖြစ်သည့် လှံ ၊ ဓါးတို နှင့် ဓါးရှည်များအား လျှို့ဝှက်သိမ်းဆည်းထားသူများကို ရဲတပ်ဖွဲ့က လက်နက်များနှင့်အတူ ဖမ်းဆီးမိခဲ့ကြောင်း သိရသည်။

ဖမ်းဆီးရမိသော ဓါး  လှံများ

ဒဂုံမြို့သစ် (ဆိပ်ကမ်း)မြို့နယ်၊ (၆၇)ရပ်ကွက်၊ ဒုဌ၀တီ(၂)လမ်းနေ ဘိုစု
(ခ)ထွန်းထွန်းဝင်း၊ (၂၈)နှစ်မှာ လူကိုအန္တရာယ်ဖြစ်စေနိုင်သောလက်နက်များ
ကိုင်ဆောင်ပြီး ရမ်းကားလေ့ရှိကြောင်းသတင်းအရ ၎င်း၏နေအိမ်သို့ ၀င်ရောက်
ရှာဖွေရာ အရိုးအသွား(၂)ပေ(၄)လက်မခန့်ရှိ ငှက်ကြီးတောင်ဓါး(၁)ချောင်းကို
တွေ့ရှိသိမ်းဆည်းရမိခဲ့သည်။

ဒဂုံမြို့သစ်(ဆိပ်ကမ်း)မြို့နယ်၊ (၆၇)ရပ်ကွက်၊ ဒုဌ၀တီ(၂)လမ်းနေ ဇင်သူ(ခ)မင်းဒင်လေး၊ (၃၁)နှစ်မှာ လူကို အန္တရာယ်ဖြစ်စေနိုင်သောလက်နက်များ ကိုင်ဆောင်ပြီးရမ်းကားလေ့ရှိကြောင်း
သတင်းအရ ၎င်း၏နေအိမ်သို့ ၀င်ရောက်ရှာဖွေရာ ဓါးမြှောင်(၂)ချောင်း၊ ငှက်ကြီးတောင်ဓါးရှည်(၇)ချောင်းနှင့် လှံ(၁)ချောင်းတို့ကို တွေ့ရှိသိမ်းဆည်း ရမိခဲ့သည်။

အဆိုပါရပ်ကွက်အတွင်း အရက်ပုန်းရောင်းချ လျက်ရှိကြောင်း သတင်းရရှိထားသည့် ကျော်သူလှိုင်၊ အောင်ဒင်၊ ကျော်နိုင်ဦး၊ မင်းဇော်၊ မြသင်းနှင့် မခင်အုန်းမြင့် တို့၏နေအိမ်ဆိုင်များသို့ ၀င်ရောက်ရှာဖွေခဲ့ရာ လိုင်စင်မဲ့အရက်များသိမ်းဆည်းရမိခဲ့သဖြင့် ယစ်မျိုးဥပဒေဖြင့် အမှုများ အသီးသီးရေးဖွင့်ကာ အရေးယူဆောင်ရွက်နိုင်ခဲ့ကြောင်း သိရသည်။

နယ်မြေအတွင်း စက်ဘီးလှည့်ကင်းဆောင်ရွက်
ခဲ့ရာမှ ပြည်သူလူထုမှ ရဲတပ်ဖွဲ့နှင့် ပူးပေါင်းပါဝင်သတင်းပေးမှုကြောင့် ရပ်ကွက်
အတွင်း ဘေးအန္တရာယ်ဖြစ်စေသော ဓါး၊ လှံ လက်နက်များကိုင်ဆောင်ရမ်းကား
လေ့ရှိသူများအား ယခုကဲ့သို့ ဖော်ထုတ်ဖမ်းဆီးမိခဲ့ခြင်းဖြစ်သည်ဟုလည်း ရန်ကုန်တိုင်းရဲတပ်ဖွဲ့က သတင်းထုတ်ပြန်ခဲ့သည်။

ပုံရိပ်(burmesehearts.com)

ဖုန်းဆိုင်အတွင်းမှ ဖုန်းများဝင်ရောက်ခိုးယူခဲ့သော ကလေးငယ်များအား ဖမ်းမိ

ဒီဇင်ဘာ(၁၈)ရက်နေ့ မနက်(၈)နာရီခန့်က ရန်ကုန်ဘူတာကြီးအတွင်း၌ ကျောက်တန်း
မြို့နယ်နေ အသက်(၁၄)နှစ်အရွယ် ယောက်ျားကလေး(၁)ဦးအား လက်ကိုင်ဖုန်း
များနှင့်အတူ မသင်္ကာဖွယ်တွေ့ရှိသဖြင့် စစ်ဆေးခဲ့
ရာ ဖုန်းဆိုင်အတွင်းမှ ခိုးယူခဲ့သော ဖြစ်နေကြောင်း စစ်ဆေးတွေ့ရှိခဲ့သည်။

အခိုးခံရသောဖုန်းများ

၎င်းသည် သူငယ်ချင်းများဖြစ်သော ကျောက်တန်းမြို့နယ်နေ အသက်(၁၃)နှစ်အရွယ် ယောက်ျားကလေး(၁)ဦး၊ ဒဂုံမြို့သစ်(အရှေ့ပိုင်း)မြို့နယ်နေ အသက်(၁၉)နှစ်အရွယ် အမျိုးသားလူငယ်(၁)ဦးတို့နှင့်အတူ ဒီဇင်ဘာ(၁၇)ရက်နေ့ ညပိုင်းက ကျောက်တန်းမြို့နယ်ဈေးရှိ ဆိုင်းဝိုင်းသို့သွားရောက်ခဲ့ကြ
ကြောင်း၊ ၁၈.၁၂.၂၀၁၄ ရက်နေ့ မနက်(၃)နာရီအချိန်မှ ဆိုင်ဝိုင်းမှပြန်လာခဲ့ရာ ဘုရားလမ်းပေါ်ရှိ ဖုန်းဆိုင်ရှေ့သို့ရောက်ရှိစဉ် ဖုန်းဆိုင်မှာ သော့မခတ်ဘဲ အတွင်းမှ ချက်ထိုးထားသည်ကိုတွေ့ရှိရ၍ တံခါးချက်အား ကတ်ကြေးဖြင့်ထိုးဖွင့်ကာ လက်ကိုင်ဖုန်းများ ၀င်ရောက် ခိုးယူခဲ့ကြခြင်းဖြစ်ကြောင်း စစ်ဆေးပေါ်ပေါက်ခဲ့သည်။

ပြစ်မှုကျူးလွန်ရာတွင်အတူပါဝင်သူ အသက်(၁၃)နှစ်အရွယ် ယောက်ျားကလေးနှင့် (၁၉)နှစ်အရွယ် အမျိုးသားလူငယ်တို့ကိုလည်း ဆက်လက် ဖမ်းဆီးစစ်ဆေးခဲ့ကြောင်း သိရသည်။

၎င်းတို့အား စစ်ဆေးအတည်ပြုချက်များအရ ၁၈.၁၂.၂၀၁၄ ရက်နေ့က
ကျောက်တန်းမြို့နယ်၊ ဘုရားလမ်းရှိ ဖုန်းဆိုင်မှ ပစ္စည်းများခိုးယူခံရ၍ အမှုဖွင့်တိုင်တန်းထားရှိသော ကျောက်တန်းမြို့မရဲစခန်း (ပ)၂၃၇/ ၂၀၁၄၊
ပြစ်မှုပုဒ်မ-၃၈၀အမှုကို ကျူးလွန်ခဲ့ကြခြင်းဖြစ်ကြောင်း ဖော်ထုတ်နိုင်ခဲ့သည်။

၎င်းတို့(၃)ဦးထံမှ အမှုမှပါဆုံးသွားသော ပစ္စည်းများအနက် i Phone,Tablet နှင့် ဟန်းဆက်အချို့အား ပြန်လည်သိမ်းဆည်းနိုင်ခဲ့ပြီး အမှုဖြင့်ဆက်လက်အရေးယူ
ဆောင်ရွက်လျက်ရှိကြောင်း သိရသည်။

ပုံရိပ်(burmesehearts.com)

ဇနီးဆုံးပြီးနောက် သေချင်သည်ဟုဆိုကာ အရက်ပျံသောက်သေသူ

ဒီဇင်ဘာ(၂၂)ရက်နေ့က သန်လျင်မြို့နယ်တွင် အမျိုးသားတစ်ဦး အရက်ပျံသောက်သေဆုံးခဲ့ကြောင်း သိရသည်။

သေဆုံးသူမှာ ဦးသန်းလှိုင် (၃၇)နှစ်ဖြစ်ပြီး သန်လျင်မြို့နယ်၊ နတ်စင်ကုန်းကွက်သစ်တွင် နေအိမ်၌ ၎င်း၏အနီးတွင် အရက်ပျံပုလင်း(၁)လုံးအား
တွေ့ရှိရကာ ပြင်ပဒဏ်ရာမရှိဘဲ သေဆုံးနေ
ခဲ့ခြင်းဖြစ်သည်။

ဖြစ်စဉ်အား စုံစမ်းရာ သေဆုံးသူ၏ဇနီးဖြစ်သူမှာ ၈.၉.၂၀၁၄ ရက်နေ့တွင် ကွယ်လွန်သွားခဲ့ကြောင်း၊ ဇနီးဖြစ်သူ ကွယ်လွန်ပြီးနောက်တွင် ၎င်းမှာ သေချင်တယ်ဟု မကြာခဏပြောဆိုနေလေ့ရှိသည်ဟု သိရသည်။

၎င်းသေဆုံးမှုနှင့်ပတ်သက်၍ သန်လျင်မြို့မရဲစခန်း သေမှုသေခင်းအမှတ်စဉ် (၆၂/၂၀၁၄)ဖြင့် ရေးဖွင့်ကာ စစ်ဆေးဆောင်ရွက်လျက်ရှိကြောင်း သိရသည်။

ပုံရိပ်(burmesehearts.com)