Category Archives: မြန်မာ့သတင်း

နေ့အလိုက် အတိုးနှုန်းပေးသွားမည့် ကမ္ဘောဇဘဏ်

FacebookGoogle+LinkedInTwitterPinterestShare

ဘဏ်အပ်ငွေများကို (Call Deposit) နေ့အလိုက် အတိုးနှုန်းတွက်ပေးသွားမည့် အပ်ငွေပုံစံသစ်အား ကမ္ဘောဇဘဏ်က နိုဝင်ဘာလမှစတင်၍ ဝန်ဆောင်မှု ပေးသွားမှာဖြစ်ကြောင်း သိရသည်။

ယင်းဝန်ဆောင်မှုအသစ်ကြောင့် ထိုအပ်ငွေပုံစံသစ်ဖြင့် ငွေအပ်နှံသူများဟာ ရက်ပိုင်းမျှသာ ငွေအပ်နှံသော်လည်း ထိုအပ်ငွေအပေါ် အတိုးနှုန်းရရှိမည်ဖြစ်ကြောင်း သိရသည်။

နေ့အလိုက်အတိုးနှုန်းများကို သိန်းတစ်ရာနှင့်အထက် အပ်နှံသူများအား တစ်နှစ်အလိုက် အတိုးနှုန်း (၈)ရာခိုင်နှုန်းအပေါ် မူတည်၍ အပ်နှံသည့်ရက်များအပေါ် မူတည်ပြီး နေ့အလိုက် အတိုးနှုန်း တွက်ချက်ပေးသွားမည် ဖြစ်သည်။ သိန်းတစ်ရာအောက် အပ်နှံသူများကိုမူ တစ်နှစ်အလိုက် အတိုးနှုန်း (၄)ရာခိုင်နှုန်းအပေါ် မူတည်၍ တွက်ချက်ပေးသွားမည်ဖြစ်ကြောင်း သိရသည်။

ယခင်က စာရင်းသေအပ်ငွေနှင့် ငွေစုဘဏ်အပ်နှံငွေများကိုသာ လအလိုက် အတိုးနှုန်း တွက်ချက်ပေးခြင်း ဖြစ်သည်။

(Call Deposit) နေ့အလိုက် အတိုးနှုန်းတွက်ပေးသွားမည့် အပ်ငွေပုံစံသစ်အား ဗဟိုဘဏ်မှ ခွင့်ပြုပြီးဖြစ်သည်ဟု ကမ္ဘောဇဘဏ်မှ တာဝန်ရှိသူတစ်ဦးက ဆိုခဲ့သည်။

လက်ရှိတွင် ဗဟိုဘဏ်အနေဖြင့် ပြည်တွင်းဘဏ်များ၏ နှစ်အလိုက်အတိုးနှုန်းကို (၈)ရာခိုင်နှုန်းမှ (၁၃)ရာခိုင်နှုန်းထက် မများစေဘဲ သတ်မှတ်ထား၍ ဗဟိုဘဏ်၏ ခွင့်ပြုချက်ရယူပြီးမှသာ အတိုးနှုန်းအား ပြောင်းလဲမှုကို ပြုလုပ်နိုင်ကြောင်း သိရသည်။

Source : MRTV4

ပုံရိပ်(burmesehearts.com)

တန်ဆောင်တိုင်ကာလတွင် ရွှေတိဂုံဘုရားရှိ ညအိပ်ဘုရားဖူးများ ဧည့်စာရင်းတိုင်ရမည်

လာမည့်တန်ဆောင်တိုင်ကာလ လပြည့်ညကာလတွင် ရွှေတိဂုံဘုရားသို့ လာရောက်ဖူးကြသော ညအိပ်ဘုရားဖူး ဧည့်သည်များအနေဖြင့် ၎င်းတို့၏ မှတ်ပုံတင်ကဒ်များကို ယုံဆောင်လာကြရမည်ဖြစ်ပြီး ဧည့်စာရင်း တိုင်ကြရမှာဖြစ်ကြောင်း သိရသည်။

ရွှေတိဂုံဘုရားသို့ လာရောက်ဖူးကြသော ညအိပ်ဘုရားဖူး ဧည့်သည်များ ဧည့်စာရင်းတိုင်ရန်အတွက် တန်ဆောင်မုန်းလပြည့်နေ့မတိုင်မီ အဖိတ်နေ့ကတည်းက ရွှေတိဂုံဂေါပကအဖွဲ့ဝင်များ နှင့် ဝန်ထမ်းများက လိုက်လံအသိပေး ပြောကြားသွားမည်ဖြစ်ကြောင်း သိရသည်။

ရွှေတိဂုံဘုရားပေါ်၌ တန်ဆောင်တိုင်လပြည့်ညတွင် ညအိပ်ခွင့်ပြုထားသော်လည်း မှတ်ပုံတင်ကဒ်မပါ၍ ဧည့်စာရင်းတိုင်ကြားမှု မရှိသူအားလုံးဟာ ည(၁၀)နာရီတွင် ဘုရားပေါ်မှ ဆင်းပေးကြဖို့ မေတ္တာရပ်ခံသွားမှာဖြစ်ကြောင်းလည်း သိရသည်။

Source : MRTV4

ပုံရိပ်(burmesehearts.com)

ရန်ကုန်မြို့ရှိ အစိမ်းရောင်အမှိုက်ပုံးများကို လိမ္မော်ရောင် အမှိုက်ပုံးများဖြင့် လဲလှယ်

ရန်ကုန်မြို့အတွင်းရှိ အဓိကလမ်းမကြီးများနှင့် မြို့နယ်များအတွင်းက အစိမ်းရောင်အမှိုက်ပုံးများကို လိမ္မော်ရောင် အမှိုက်ပုံးများဖြင့် လဲလှယ်နေပြီဖြစ်ကြောင်း သိရသည်။

Orange color Bin

အစိမ်းရောင်အမှိုက်ပုံးများသည် ညဘက်တွင် မြင်တွေ့ရန် မလွယ်ကူသည့်အတွက် လိမ္မော်ရောင် အမှိုက်ပုံးများဖြင့် လဲလှယ်ကာ အစိမ်းရောင်အမှိုက်ပုံးများကိုတော့ ပြညန်လည်သန့်စင်ပြီးနောက် ရပ်ကွက်များအတွင်းရှိ လမ်းများ၌ချထားပေး၍ ပြန်လည် အသုံးပြုသွားမည်ဟု သိရသည်။

မြို့နယ်ရပ်ကွက်များရှိ အမှိုက်ကန်ဖြင့် ဝေးသော အမှိုက်စွန့်ပစ်ရန် ခက်ခဲသည့်နေရာများနှင့် ခေါင်းလောင်းတီး အမှိုက်သိမ်းယာဉ်များ ဝင်ရောက်ရန် ခက်ခဲသည့် နေရာများတွင် (၆၆၀)လီတာဆံ့ အမှုက်ပုံးနှင့် (၂၄၀)ဆံ့ အမှိုက်ပုံးများ (၄၆၇၀)အား (၂၀၁၂-၂၀၁၃)ဘဋ္ဋာနှစ်တွင် ချထားပေးခဲ့ကာ ၂၀၁၃-၂၀၁၄ဘဏ္ဍာနှစ်တွင် အမှိုက်ပုံးပေါင်း (၂၀၀၀)ကို ထပ်မံဖြည့်တင်းပေးခဲ့သည်ဟု သိရသည်။

Source : MRTV4

ပုံရိပ်(burmesehearts.com)

ပုဂံဒေသအား ကမ္ဘာ့အမွေအနှစ်အဖြစ် စတင်သတ်မှတ်နိုင်ရန် ပြင်ဆင်နေ

ပျူမြို့ဟောင်းသုံးခုအား ကမ္ဘာ့အမွေအနှစ် စာရင်းတွင် သတ်မှတ်ခံရပြီးနောက် ယခုအခါ ပုဂံဒေသအား ကမ္ဘာ့အမွေအနှစ်အဖြစ် စတင်သတ်မှတ်နိုင်ရန် ပြင်ဆင်နေကြောင်း သိရသည်။

အောက်တိုဘာ(၃၀)ရက်နေ့က အမျိုးသားလွှတ်တော်အစည်းအဝေးတွင် တပ်မတော်သားကိုယ်စားလှယ် ဗိုလ်မှူးမျိုးထွန်းအောင်က မြန်မာနိုင်ငံ၌ ရှေးစောင်းယဉ်ကျေးမှု အမွေအနှစ်များစွာရှိကြောင်း ၊ ပျူမြို့ဟောင်းသုံးမြို့ ၊ မြောက်ဦး ၊ ပြဒါးလင်းဂူ ၊ အင်းလေးကန် ၊ မင်းကွန်းဒေသ ၊ မန္တလေး ၊ အင်းဝ ၊ ဟံသာဝတီ စသည့် နေရာရှစ်ခုကို အမွေအနှစ်ဒေသများအဖြစ် အဆိုပြုခဲ့ကြောင်း ၊ ထို့အတူ ယဉ်ကျေးမှု ရှေးဟောင်းအမွေအနှစ်များ တည်ရှိရာ နေရာများစွာ ကျန်ရှိနေသေးကြောင်း ၊ ထိုနေရာများအား ဆက်လက် ဆောင်ရွက်နေသော အနေအထားများကို သိရှိလိုကြောင်း မေးမြန်းခဲ့သည်။

ယင်းမေးခွန်းအား ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်စန္ဒာခင်က ပျူမြို့ဟောင်းသုံးခုဟာ ကမ္ဘာ့အမွေအနှစ်စာရင်းဝင် ဖြစ်သွားပြီဟုဆိုခဲ့ပြီး ၁၉၉၆ခုနှစ်က မြန်မာ့အမွေအနှစ်ရှစ်ခုကို ကမ္ဘာ့အမွေအနှစ်ဗဟိုသို့ တင်သွင်းခဲ့ကြောင်း ၊ အဆိုပြုစာရင်းသွင်းထားသော ပုဂံယဉ်ကျေးမှု အမွေအနှစ်ဒေသကို ကမ္ဘာ့အမွေအနှစ် စာရင်းဝင် သတ်မှတ်ရရှိရေးအတွက် စတင်ပြင်ဆင်နေကြောင်း ၊ ယင်းသို့လုပ်ဆောင်ရသည့် အချက်များမှာ ကျယ်ပြန့်များပြားလှကြောင်း ၊ ကမ္ဘာ့အမွေအနှစ် စာရင်းဝင်မဖြစ်ခင်ရော ဖြစ်ပြီးမှရော စီမံခန့်ခွဲမှုအပိုင်း ၊ နယ်မြေသတ်မှတ်မှု ၊ ထိန်းသိမ်းကာကွယ်မှုများမာ ကိုက်ညီမှု ရှိရမည်ဖြစ်ကြောင်း ပြန်လည်ဖြေကြားခဲ့သည်။

ယဉ်ကျေးမှုအမွေအနှစ်များကို အမျိုးသားအမွေအနှစ်အဖြစ် သတ်မှတ်ပြီးနောက် ကမ္ဘာ့ယဉ်ကျေးမှုအမွေအနှစ် စာရင်းဝင်ဖြစ်ရန် ဆောင်ရွက်လျက်ရှိကြောင်း ၊ ယင်းသို့ဆောင်ရွက်ခြင်းဖြင့် အမွေအနှစ်များ ရေရှည်တည်တံ့နိုင်ရန် ထိရောက်သည့် နည်းပညာအကူအညီ ၊ ငွေကြေးအကူအညီများ ရရှိမည်ဖြစ်ကြောင်း ၊ ခရီးသွားလုပ်ငန်းများမှလည်း ဝင်ငွေ တိုးတက်လာမည်ဖြစ်ကာ အလုပ်အကိုင်အခွင့်အလမ်းများလည်း ရရှိလာမည်ဖြစ်ကြောင်း ၎င်းက ဆက်လက်ပြောကြားခဲ့သည်။

Source : EMG

ပုံရိပ်(burmesehearts.com)

အဝေရာမီးပုံပျံကွင်းရှိ သရဲအိမ်မီးလောင်ကာ အမျိုးသမီးတစ်ဦးသေဆုံး

တောင်ကြီး တန်ဆောင်တိုင်ပွဲ ကျင်းပသည့် အဝေရာမီးပုံပျံကွင်းရှိ သရဲအိမ် ကလေး ကစားကွင်းတွင်
အောက်တိုဘာ ၃၀ ရက် နံနက် ၂ နာရီ ၄၀ မိနစ်က မီးလောင်မှု ဖြစ်ပွားခဲ့ပြီး အမျိုးသမီးတစ်ဦး သေဆုံးခဲ့သည်ဟု ရဲမှတ်တမ်းတွင် ဖော်ပြထားသည်။

မီးလောင်မှုကြောင့် အဆောက်ဦအတွင်းရှိ လူ (၆) ဦးအနက် ရန်ကုန်မှလာသည့် အသက် ၄၄ နှစ်အရွယ် မသန်းသန်းမြင့်မှာ အခန်းတွင်း ပိတ်မိပြီး မီးလောင်သေဆုံးခဲ့ခြင်း ဖြစ်သည်။

ယင်းမီးလောင်ကျွမ်းမှု ဖြစ်စဉ်အား မီးသတ်ဌာနက စစ်ဆေးရာ အလျား ၆၀ ပေ၊ အနံ ၆၀ ပေ၊ အမြင့် ၂၀ ပေခန့်ရှိ ထရံမိုး ထရံကာ၊ ဝါးခင်း၊ သစ်တိုင် အဆောက်အဦအတွင်းရှိ  မီးအလှဆင်ရန် ယာယီ သွယ်တန်းထားသော အော်တိုမီးထိန်းစက်မှ အပူလွန်ကဲပြီး မီးပွားလွင့်စင်ရာမှ အနီးရှိ မီးလောင်ရန် လွယ်ကူသည့် ဖော့၊ ပိတ်စများကို မီးကူးကာ အဆောက်အဦး မီးလောင်ခဲ့သည်ဟု
တောင်ကြီးမြို့နယ် မီးသတ်ဦးစီးဌာနမှ တာဝန်ရှိသူ တစ်ဦးက အတည်ပြု ပြောသည်။

လောင်ကျွမ်းမှုကြောင့် အဆောက်အဦး ဆုံးရှုံးမှုတန်ဖိုး ၂ သိန်းခွဲကျပ်၊ အတွင်းဖော့ပစ္စည်းမျိုးစုံ တန်ဖိုး ၉ သိန်းခွဲ စုစုပေါင်း ၁၂ သိန်းခန့် မီးလောင် ဆုံးရှုံးခဲ့သည်ဟု တောင်ကြီးမြို့နယ် မီးသတ်ဦးစီးဌာနမှ ထုတ်ပြန်ပြီး ဒေါ်ခင်မေအောင် မြောက်ဥက္ကလာပတွင် နေထိုင်သူအား
တောင်ကြီးမြို့၊ မြို့မရဲစခန်းမှ (ပ) ၂၂၅/၂၀၁၄ ပြစ်မှုဆိုင်ရာ ဥပဒေပုဒ်မ ၂၈၅/၃၀၄-က အရ အမှုဖွင့် အရေးယူထားသည်။

တောင်ကြီးတန်ဆောင်တိုင် မီးပုံပျံပွဲကို အောက်တိုဘာ ၃၀ ရက်မှ နိုဝင်ဘာ ၇ ရက်အထိ ကျင်းပမည်ဖြစ်သည်။

Source : Mizzima

ပုံရိပ်(burmesehearts.com)

တန်ဆောင်တိုင်ပွဲတော်မတိုင်မီ တောင်ကြီးတွင် ဟိုတယ်ခန်း ဈေးနှုန်း နှစ်ဆကျော်မြင့်

တောင်ကြီး တန်ဆောင်တိုင်ပွဲတော် ကာလမတိုင်မီ တစ်ပတ်အလိုမှစ၍ ဟိုတယ်၊ မိုတယ်၊ တည်းခိုခန်းခများ ယခင်နှုန်းထားထက် နှစ်ဆကျော် မြင့်တက်သွားသည်ဟု အလည်အပတ်ရောက်ရှိနေသူများနှင့် ဟိုတယ်လုပ်ငန်း ရှင်အချို့က အတည်ပြုသည်။

ယခင်တည်းခိုနှုန်းထား ကျပ်တစ်သောင်းခန့်ရှိ အခန်းခသည် ယခုအခါ ကျပ်သုံးသောင်းခွဲ ပေးဆောင်ရပြီး ငါးသောင်းတန် အခန်းခနှုန်းသည် တစ်သိန်းခွဲကျော်အထိ ဈေးနှုန်းမြင့် တက်နေသည်ဟု တောင်ကြီးဒေ ခံ ကိုဝင်းထွန်းက ဆိုသည်။

ရှမ်းပြည်နယ် အစိုးရအဖွဲ့ ဟိုတယ်နှင့် ခရီးသွားလာရေး ဝန်ကြီးဌာနကမူ ဈေးနှုန်းထိန်းချုပ်ရန် အစီအစဉ် မရှိဘဲ ဈေးကွက်သဘောအရ လွတ်လပ်စွာ ယှဉ်ပြိုင်နိုင်သည်ဟု အကြီးတန်းအရာရှိ တစ်ဦးက ပြောသည်။

တောင်ကြီးမြို့ပေါ်ရှိ ဟိုတယ် လုပ်ငန်းရှင် ဦးအောင်ကျော်က “ကျွန်တော်တို့ ဟိုတယ်အနေနဲ့ နဂိုမူရင်း ဈေးထက် ၂၀ ရာခိုင်နှုန်းပဲ တင်ထားတယ်၊ တချို့ ဟိုတယ်တွေဆို သိန်းနဲ့ချီ တင်တာရှိတယ်”ဟု ပြောသည်။

တောင်ကြီးမြို့ပေါ်တွင် ဟိုတယ်ကြီး အလုံး ၂၀ နှင့် တည်းခိုခန်း ၃၁ လုံး ရှိနေပြီး ယမန်နှစ်ပွဲတော်ကာလ အတွင်း ပြည်တွင်းပြည်ပ ခရီးသွားဧည့်သည် တစ်သိန်းကျော် လာရောက်သည်ဟု ရှမ်းပြည်နယ် ဟိုတယ် နှင့် ခရီးသွားဝန်ကြီးဌာန မှတ်တမ်းများက ဆိုသည်။

၂၀၁၄ ခုနှစ်၊ တောင်ကြီး တန်ဆောင်တိုင် မီးပုံးပျံပြိုင်ပွဲကို အောက်တိုဘာ ၃၀ ရက်မှ နိုဝင်ဘာ ၇ ရက် အထိ အဝေရာကွင်းအတွင်း ကျင်းပမည် ဖြစ်သည်။

Source : Mizzima

ပုံရိပ်(burmesehearts.com)

(၅)လွှာ ၀ရန်တာအုတ်ခုံပေါ်တွင် ထိုင်နေသူ အမျိုးသမီး ပြုတ်ကျသေဆုံး

အောက်တိုဘာ(၂၉)ရက်နေ့ ည(၇)နာရီခွဲခန့်က ပန်းဘဲတန်းမြို့နယ်၊ (၁)ရပ်ကွက်၊ ရွှေတိဂုံဘုရားလမ်းရှိ အမျိုးသမီး
ဘော်ဒါဆောင်
၏ (၅)လွှာ ၀ရန်တာအုတ်ခုံပေါ်တွင် ထိုင်နေသူ အမျိုးသမီး ပြုတ်ကျသေဆုံးခဲ့ကြောင်း သိရသည်။

သေဆုံးသူမှာ ရှမ်းပြည်နယ်၊ လားရှိုးမြို့မှ အဆိုပါအဆောင်သို့လာနေသော အသက်(၂၀)နှစ်အရွယ် မတင့်တင့်စိုးဖြစ်၍ ၎င်းနေထိုင်သော (၅)လွှာတိုက်ခန်းဝရန်တာ အုတ်ခုံတန်း
ပေါ်တွင်ထိုင်နေရာမှ မြေပြင်ပေါ်သို့ ပြုတ်
ကျခဲ့ခြင်းဖြစ်သည်။

ထို့ကြောင့် မတင့်တင့်စိုးတွင် ပါးစပ်သွေးထွက်၊ မေးစေ့ကွဲဒဏ်ရာများ ရရှိထားခဲ့ကာ ရန်ကုန်ဆေးရုံကြီးသို့ပို့ဆောင်စဉ် သေဆုံးသွားခြင်း ဖြစ်သည်။

၎င်းသေဆုံးမှုနှင့်ပတ်သက်၍ ပန်းဘဲတန်းမြို့မရဲစခန်းသေမှုသေခင်းအမှတ်စဉ် (၃/၂၀၁၄) ဖြင့် ရေးဖွင့် ကာ စုံစမ်းစစ်ဆေးလျက်ရှိကြောင်း သိရသည်။

ပုံရိပ်(burmesehearts.com)